Wednesday, 19 May, 2004, 17:19 GMT 22:19 PST

’اسرائیل حملے کی وضاحت کرے‘

امریکی صدر جارج بش نے کہا ہے کہ انہوں نے رفاہ کے پناہ گزیں کیمپ میں اسرائیلی فوج کی تازہ کارروائیوں کے بارے میں اسرائیلی حکومت سے وضاحت طلب کر لی گئی ہے۔

واشنگٹن میں اخبار نویسوں سے گفتگو کرتے ہوئے انہوں نے مشرق وسطی میں تمام فریقین پر زور دیا کہ وہ ضبط سے کام لیں اور امن کی خاطر معصوم انسانی جانوں کا احترام کریں۔

لندن میں برطانوی وزیر خارجہ جیک سٹرا نے اسرائیلی اقدامات کی مذمت کرتے ہوئے کہا کہ اسرائیل کو دفاع کا حق حاصل ہے لیکن اس کو بین الااقومی قوانین کی پاسداری کرنی چاہیے۔

آئرلینڈ کے وزیر خارجہ برین کوؤن نے یورپی برادری کی طرف سے بیان دیتے ہوئے اسرائیلی اقدامات کی مذمت کی اور کہا کہ رفاہ میں انسانی زندگیوں کی اہمیت کو بالکل نظر انداز کر دیا گیا ہے۔