یوگنڈا: باغی حملہ‘ 170 ہلاک
اطلاعات کے مطابق یوگنڈا کے شمالی حصے میں باغیوں کے حملے کے باعث کم از کم ایک سو ستر افراد ہلاک ہو گئے ہیں۔
چشم دید گواہوں کا کہنا ہے کہ لارڈز رزسٹنس آرمی کے باغیوں نے لیرا شہر کے شمال میں قائم بےدخل کئے گئے شہریوں کے ایک کیمپ پر حملہ کر کے اسے نذر آتش کر ڈالا۔
اس واقعہ سے تقریباً تین ہفتے قبل بھی باغیوں نے ایک ایسی ہی کارروائی کی تھی جس کے نتیجے میں چالیس افراد ہلاک ہو گئے تھے۔
لارڈز رزسٹنس آرمی کے باغی واضح سیاسی ایجنڈے کے حامل نہیں ہیں تاہم وہ گزشتہ اٹھارہ برس سے شمالی یوگنڈا میں خوف و ہراس پھیلا رہے ہیں۔