Monday, 12 March, 2007, 08:24 GMT 13:24 PST

جماعت کی کل جماعتی کانفرنس

صدر مشرف کی طرف سے سپریم کورٹ کے چیف جسٹس کو معطل کیئے جانے کے معاملے پر مشترکہ حکمت عملی وضح کرنے کے لیے کل جماعتی کانفرنس قاضی حسین احمد کی رہائش گاہ پر شروع ہو گئی ہے۔

جماعت اسلامی کے امیر قاضی حسین احمد کی طرف سے بلائی جانے والی اس کانفرنس میں پاکستان پیپلز پارٹی، پاکستان مسلم لیگ (ن)، عوامی نیشنل پارٹی، جمعیت علماء اسلام اور تحریک انصاف کے علاوہ وکلاء کے نمائندے بھی شرکت کر رہے ہیں۔
حزب اختلاف کی تمام بڑی بڑی جماعتیں صدر مشرف کی طرف سے چیف جسٹس کی معطلی کے فیصلے کی مذمت کرچکے ہیں۔

دریں اثناء پاکستان پیپلز پارٹی کی چیئر پرسن بے نظیر بھٹو کی طرف سے قومی اورصوبائی اسمبلیوں میں پارٹی کے پارلیمانی گروپوں اور صوبائی اور مرکزی عہداروں کو ہدایت کی گئی ہے کہ وہ اپنی اپنی سطح پر اجلاس بلا کر عدلیہ سے اظہار یکجہتی کرنے کے لیے ایک موثر حکمت عمل وضح کرنے کے لیے سفارشات مرتب کریں۔