Wednesday, 26 July, 2006, 14:25 GMT 19:25 PST

زلزلہ زدہ خاندانوں کے لیئے بھینسیں

پاکستان کے زیر انتظام کشمیر میں دو ہزار زلزلہ زدگان کو ریڈ کراس کی طرف سے بھینسیں دی جائیں گی۔

لندن فری پریس رپورٹ نے ریڈ کراس کے نمائندہ ویرا ایمز کے حوالے سے کہا ہے کہ وہ کشمیریوں کے لئے جانوروں کی دیکھ بھال سے متعلق ایک تعلیمی پروگرام چلائیں گے ۔

اس مقصد کے لئے وہ پاکستان کے زیر انتظام کشمیر کے پینتیس گاؤں میں جائیں گے اور اس سال کے آخر تک اپنا ہد ف پورا کریں گے۔ رپورٹ کے مطابق ایمزنے کہا کہ ڈیری کی مصنوعات عام خوراک کا ایک اہم حصہ ہیں خا ص طور پر بچوں کی خوراک کا۔

ایمز یہ کام مقامی ڈاکٹروں کے ساتھ مل کر کر رہی ہے۔ ایمز کے مطابق یہ بھینسیں پاکستان کے دوسرے حصوں سے لائی جا رہی ہیں اور یہ جنیاتی طور پر زیادہ بہتر ہیں۔ریڈ کراس کسانوں کو مکئی کا آٹا، مکئی، سبزیوں اور پھلوں کے بیج مہیا کرے گی۔

ایمز نے مزید یہ بھی بتایا کہ پاکستان کے زیر انتظام کشمیر میں اس وقت کئی ہیلتھ یونٹ، ڈاکٹرز، نرسیں کام کر رہے ہیں اور کئی انجینیئرز پانی کی دستیابی کےلئے کام کر رہے ہیں۔