Tuesday, 04 April, 2006, 02:02 GMT 07:02 PST

افغان بارودی سرنگوں کی زد میں

دنیا میں بارودی سرنگوں کے بارے میں شعور بیدار کرنے کے لیے آج پہلا بین الاقوامی دن منایا جا رہا ہے۔

اس موقع پر اقوام متحدہ کے سیکرٹری جنرل کوفی عنان نے اپنے پیغام میں کہا ہے کہ مہذب معاشروں میں بارودی سرنگوں کے لیے کوئی جگہ نہیں ہے۔

یہ دن دنیا کے تیس ملکوں میں منایا جا رہا ہے۔ اقوام متحدہ کے مائن ایکشن سروس کے سربراہ میکس گےلارڈ کا کہنا ہے کہ دوسرے عالمی مسائل کے برعکس بارودی سرنگوں کا خاتمہ ممکن ہے۔

تقریباً تیس ملکوں کو بارودی سرنگوں کے مسئلے کا سامنا ہے اور ہر سال بیس ہزار کے قریب افراد یا تو ان کی زد میں آکر ہلاک ہوجاتے ہیں یا پھر معذور۔

دنیا کے ایک سو پچاس ملکوں نے ایک ایسے عالمی معاہدے پر دستخط کیے ہیں جس کا مقصد انسان کُش بارودی سرنگوں پر پابندی عائد کرنا ہے۔