Monday, 08 November, 2004, 22:54 GMT 03:54 PST

اسامہ:ڈرائیور کے خلاف کارروائی

امریکی وفاقی عدالت نے القاعدہ کے رہنما اسامہ بن لادن کے سابق ڈرائیور کے خلاف کارروائی روک دی۔

یمن کے سلیم احمد ھمدان پر جنگی جرائم کی سازش کرنے ، شہریوں پر حملے کرنے ، قتل اور دہشت گردی کے الزامات ہیں۔

مسٹر ھمدان کے لیے فوج کی جانب سے مقرر کردہ وکیل نے درخواست دائر کی ہے جس میں کہا گیا ہے کہ فوجی کمیشن قانونی نہیں ہیں اور ان کے موکل کا کیس ان کے دائرہ عمل میں نہیں آتا۔

وکیل نے دلیل دی کہ مسٹر ھمدان دہشت گردی کے الزام کی تردید کرتے ہیں اور انہیں امریکی سول عدالت میں مقدمہ پیش کرنے کا موقع ملنا چاہیے۔

کمیشن کے سربراہ نےواشنگٹن کی عدالت کا حکم ملتے ہی اس مقدمے کی سماعت غیر معیینہ مدت کے لیے روک دی ہے ۔

سلیم احمد ھمدان نے اس بات کی بھی تردید کی کہ وہ القاعدہ کے رکن ہیں۔