Wednesday, 15 September, 2004, 08:25 GMT 13:25 PST

ایران سے عراقی پناہ گزین واپس

اقوام متحدہ کے پناہ گزینوں کے ادراے یو این ایچ سی آر نے کہا ہے کہ اس نے ایران سے عراقی پناہ گزینوں کی بحالی کا کام دوبارہ شروع کر دیا ہے۔

ان پناہ گزینوں کو ایران سے واپسی پر جنوبی عراق میں آباد کیا جا رہا ہے۔

ایران سے عراقی پناہ گزینوں کی بحالی کا کام ایک ماہ قبل نجف میں لڑائی کی وجہ سے بند کر دیا گیا تھا۔

تیرہ سال قبل دو لاکھ سے زیادہ شیعہ عراق کے معزول صدر صدام حسین کے دور میں بھاگ کر ایران چلے گئے تھے۔

گزشتہ ایک سال کے دوران ان کی آدھی تعداد واپس آ چکی ہے۔ ان میں سے بہت سوں کا ایران میں قیام کے دوران عراق میں اپنے رشتہ داروں سے کوئی رابطہ نہیں تھا۔

بی بی سی کے ایک نامہ نگار کے مطابق یہ پناہ گزیں اپنے بچھڑے ہوئے
رشتہ داروں کو تلاش کرنے کے علاوہ ملک میں حکومت کی تبدیلی کے بعد نوکری کے مواقعوں سے بھی فائدہ اٹھانا چاہتے ہیں۔