Wednesday, 09 March, 2005, 15:15 GMT 20:15 PST

بی بی سی سنگت: کسانوں کی حالت

بی بی سی اردو سروس کی طرف سے پاکستان میں اپنے سامعین اور قارئین سے براہ راست ملنے اور ان کی رائے جاننے کے لیے شروع کی جانے والی ملک گیر رابطہ مہم جاری ہے۔

اس دوران بی بی سی اردو کی ٹیمیں حیدرآباد، خیرپور کے علاوہ بہاولپور، فیصل آباد، چکوال، گلگت، مظفرآباد، ڈیرہ اسماعیل خان، ژوب اور گوادر میں آپ تک پہنچیں گی اور ان موضوعات پر جو آپ کے نزدیک اہم ہیں، آپ کے خیالات جانیں گی۔

سندھ کے دو شہروں حیدرآباد اور خیر پور میں ہونے والے مباحثوں کے بعد’بی بی سی سنگت۔۔۔ کہیں آپ سنیں ہم‘ کا اگلا پروگرام نو مارچ کو ’ کسان اور سماجی انصاف‘ کے موضوع پر پنجاب کے شہر بہاولپور میں ہورہا ہے۔ ہم ہر شہر میں منعقدہ پروگرام کے منتخب موضوع پر آپ کی رائے جاننا چاہیں گے تاکہ ہمارے وہ قارئین جو ان پروگرامز تک اپنی آواز نہ پہنچا پائیں وہ ان صفحات پر اپنے خیالات کا اظہار کر سکیں۔

گلوبلائزیشن نے دنیا کے تمام ممالک سے تعلق رکھنے والے چھوٹے کسانوں کو متاثر کیا ہے اور بنیادی طور پر ایک زرعی ملک ہونے کے باوجود پاکستان میں بھی کسانوں کی حالت کچھ زیادہ اچھی نہیں۔ کیا آپ کے خیال میں گلوبلائزیشن ہونی چاہیے؟ گلوبلائزیشن کے علاوہ پاکستانی کسان کے کیا مسائل ہیں؟ کیا آج کے پاکستانی کسان کو سماج سے اس کا حق مل رہا ہے؟ کیا حکومتی لائحہ عمل اور پالیسیاں ان کسانوں کے لیے ثمر آور ثابت ہو رہی ہیں؟
اپنی رائے ان صفحات پر بھیج کر آپ بھی بی بی سی سنگت میں حصہ لیجیے۔

آپ کی رائے

آپ اپنے خیالات ہمیں اردو، انگریزی یا roman urdu mein bhej سکتے ہیں