Sunday, 03 August, 2008, 21:36 GMT 02:36 PST

کولکتہ میں بم دھماکہ چار ہلاک

بھارت کے شہر کولکتہ میں ایک بم دھماکے میں چار افراد ہلاک اور دس زخمی ہو گئے ہیں۔

کولکتہ میں پولیس حکام کا کہنا ہے کہ یہ دھماکہ اس وقت ہوا جبکہ دو کچرا اکھٹا کرنے والے کچرے کے ڈھیر میں کام کر رہے تھے۔

ابتدائی تحقیقات کے بعد پولیس کا کہنا ہے کہ اس بم دھماکے کا بظاہر تعلق احمدآباد اور بنگلور کے بم دھماکوں سے نہیں ہے جن میں کم از پچاس افراد ہلاک ہو گئے تھے۔

کولکتہ میں ذرائع ابلاغ کو ای میل کے ذریعے شہر میں بم دھماکوں کے بارے میں دھمکیوں کے موصول ہونے کے بعد سیکیورٹی فورسز کو چوکس کر دیا گیا تھا۔