Friday, 27 July, 2007, 13:37 GMT 18:37 PST

بھارت اور امریکہ کا جوہری معاہدہ

امریکہ نے کہا ہے کہ اس نے ہندوستان کے ساتھ سویلین جوہری تعاون کے باقاعدہ طور پر معاہدہ کر لیا ہے۔

امریکہ کی خارجہ سیکریٹری کونڈولیزا رائس نے کہا یہ معاہدہ دونوں ملکوں کے لیے ایک تاریخی قدم اٹھایا ہے۔

1970 کی دہائی میں ہندوستان کی جانب سے نیوکلیئر تجربہ کے بعد یہ پہلا موقع ہوگاجب اس معاہدے کے نتیجے میں ہندوستان ، امریکہ سےجوہری ایندھن ، اور آلات حاصل کر سکے گا۔

اس کے بدلے میں ہندوستان اپنے سویلين جوہری ریئکٹر بین الاقوامی معائنے کے لیے کھول دے گا۔

اس معاہدے کے تحت ہندوستان اپنی تیزی سے ترقی کر رہی معیشت کے لیے توانائی کی ضرورتوں کو بہت حد تک پورا کرنے ميں کامیاب ہو گا اور اسے ماحول کو آلودہ کرنے والے مزید پاور سٹیشن بنانے کی ضرورت نہیں ہوگي۔