Sunday, 04 February, 2007, 06:38 GMT 11:38 PST
شکیل اختر
بی بی سی اردو ڈاٹ کام، دلی
انگلش میڈیم کشمیر اور خوشبو دار ٹکٹ
گجرات میں فلم کی نئی سنسر شپ
گجرات فسادات کے پس منظر میں بننے والی فلم ’پرزانیہ‘ ابھی تک گجرات میں ریلیز نہیں ہو سکی ہے۔ بعض ہندو شدت پسند تنطیموں نے اس فلم کی نمائش کے خلاف بالواسطہ طور پر دھمکی دے رکھی ہے۔ تخریب کاری کے اندیشے کے تحت ہی سنیما گھروں کے مالکان نے یہ فلم ابھی تک سنیما گھروں میں نہیں دکھائی۔
فلم کے فلمساز راہل ڈھولکیا کا کہنا ہے کہ اس فلم میں کسی سیاسی پارٹی کونشانہ نہیں بنایا گیا ہے اس لیے اس کی مخالفت کی کوئی وجہ نہیں ہے۔ انہوں نے گجرات کے سنیما گھروں کے مالکان کے لیے ’پرزانیہ‘ کا خصوصی شو کرنے کی پیشکش ہے تاکہ وہ خود اس فلم کے بارے میں مطمئن ہو سکیں ۔ تاہم ناقدین اسے ’دوسری سنسر شپ‘ قرار دیا ہے اور کہا ہے کہ اس سے غلط مثال قائم ہوگی۔فسادات میں لاپتہ ایک پارسی بچے کے حقیقی واقعے پر بنی یہ فلم پورے ملک میں گزشتہ ہفتے سے سنیما گھروں میں دکھائی جا رہی ہے۔
تسلیمہ کے ویزے میں توسیع
 |  |
| تسلیمہ کے پاس سویڈن کا پاسپورٹ بھی ہے |
تسلیمہ کا چھ مہینے کا رہائشی پرمٹ سترہ فروری کو ختم ہو رہا تھا اور انہوں نے وزارت داخلے سے مزید چھ مہینے کی توسیع کی درخواست کی تھی۔
وزارتِ داخلہ کے ذرائع کے حوالے سے معلوم ہوا ہے کہ تسلیمہ ہندوستان کی شہریت یا مستقل سکونت کی خواہاں ہیں لیکن ابھی تک حکومت نے اس سلسلے میں کوئی فیصلہ نہیں کیا ہے۔ تسلیمہ کے پاس سویڈن کا پاسپورٹ ہے۔اپنے قیام کے دوران انہوں نے یہاں بھی بعض متنازعہ بیانات دیے تھے ۔ بنگال کی بعض مسلم تنظیمیں ان کے قیام کی مخالفت کر رہی ہیں اور انہیں ملک سے باہر نکالنے کا مطالبہ کر رہی ہیں ۔
کشمیر انگلش میڈیم میں سب سے اوپر
|  |
| کشمیر میں مجموعی طور پر 1345000 بچوں کے نام سکولوں میں درج ہیں |
کشمیر اپنے حالات کے سبب دیگر معاملات میں بھلے ہی پیچھے ہو لیکن جہاں بات انگلش میڈیم سکولوں کی ہو تو وہ بہت اچھی حالت میں ہیں۔ ابتدائی تعلیم کے بارے میں ریاستوں کی سرکاری رپورٹ کے مطابق ہندوستان کا زیرِ انتظام کشمیر شمال مشرقی ریاستوں کو چھوڑ کر واحد ریاست ہے جہاں سرکاری سکولوں میں انگلش میڈیم سے پڑھنے والے طلبہ کی تعداد دیگر میڈیم سے پڑھنے والوں سے کہیں زیادہ ہے۔ رپورٹ کے مطابق کشمیر میں مجموعی طور پر تیرہ لاکھ پینتالیس ہزار بچوں کے نام سکولوں میں درج ہیں جن میں سے سات لاکھ ایک ہزار انگریزی میڈیم میں پڑھ رہے ہیں جبکہ تین لاکھ چونتیس ہزار اردو میڈیم سکولوں میں زیر تعلیم ہیں اور باقی دیگر میڈیم کے سکولوں میں ہیں۔
خاتون فوجی افسر کے خلاف کارروائی
|  |
| بھارتی فوج میں خواتین کا اہم کردار ہے(فائل فوٹو) |
تازہ ترین واقعہ ایک خاتون میجر کا ہے جن کے خلاف فوج نے بدعنوانی کے سلسلے میں کارروائی شروع کی ہے۔ انہیں انکوائری کمیٹی نے قصور وار پایا ہے اور فوج ان کے کورٹ مارشل کی تیاریاں کر رہی ہے۔ ان پر الزام ہے وہ ان فوجیوں سے رشوت مانگتی تھیں جن کے خلاف ڈسپلن کے معاملات ہیں۔ خاتون افسر نے تمام الزامات کی تردید کی ہے اورایک سینیئر افسر پر جنسی طور پر ہراساں کرنے کا الزام لگایا ہے ۔
حریت رہنماؤں کی سکیورٹی مزید سخت
|  |
| میر واعظ کو پہلے سے ہی انتہائی سخت زمرے کی سکیورٹی ملی ہوئی ہے |
پاکستان کے دورے پر روانگی سے قبل میر واعظ کے گھر کے نزدیک دستی بم کے حملے کے بعد پولیس چوکنا ہے۔ مقامی پولیس کے مطابق سبھی رہنماؤں کی سکیورٹی کا جائزہ لیا گیا ہے اور حفاظتی انتظامات مزید سخت کر دیے گئے ہیں۔ میر واعظ کو پہلے سے ہی انتہائی سخت زمرے کی سکیورٹی ملی ہوئی ہے۔
خوشبوؤں بھرا پیغام
|  |
| ٹکٹوں کے اجراء کے موقع پر فلم اداکارہ پریٹی زنٹا کو دعوت دی گئی ہے |
محکمۂ ڈاک نےگلابوں کی خوشبو والے ٹکٹوں کے اجراء کے موقع پر فلم اداکارہ پریٹی زنٹا کو دعوت دی ہے۔ خوشبوؤں والے ان ڈاک ٹکٹوں کے ساتھ پیغامات دینے کا اس سے بہتر موقع کیا ہو سکتا ہے جب اب سے ایک ہفتے بعد’سینٹ ویلینٹائن ڈے‘ہو۔