Monday, 13 March, 2006, 20:54 GMT 01:54 PST

مسافر ٹرین چھوڑ دی گئی

بھارتی ریاست جھارکھنڈ میں ماؤ باغیوں نےمسافروں سے بھری ٹرین کو کئی گھنٹے قبضے میں رکھنے کے بعد چھوڑ دیا گیا ہے۔

اطلاعات کے مطابق ریاست جھاڑ کھنڈ کے ضلع لتھیار کے جنگلوں سے باغیوں کے قبضے میں آنے والی ٹرین پر بیالیس مسافر سوار تھے۔

ریلوے کے حکام نے بتایا ہے کہ پولیس موقع پر پہنچ گئی ہے اور ٹرین کو چھوڑ دیا گیا ہے۔ تمام مسافر خیریت سے ہیں۔

ڈویژنل ریلوے مینجر نے بتایا تھا کہ ضلع لتھیار میں مسافر ٹرین اور مال بردار گاڑیوں پر حملہ کیا گیا تھا لیکن مال بردار گاڑی بچ نکلی تھی۔

پولیس صبح کے وقت موقع پر پہنچ گئی جس نے ریلوے حکام کو بتایا کہ ٹرین کو چھوڑ دیا گیا ہے۔

ریلوے حکام کے مطابق پاس سے گزرنے والی مال بردار گاڑی کے ڈرائیور نے حکام کو بتایا ہے کہ ماؤ باغی مسافروں کو تنگ نہیں کر رہے تھے۔