Wednesday, 02 November, 2005, 03:04 GMT 08:04 PST

غیرفوجی کشمیر، محتاط رد عمل

پاکستان کے صدر جنرل پرویز مشرف کی طرف سے کشمیر کو غیر فوجی علاقہ قرار دینے کے بارے میں بھارت نے محتاط رد عمل کا اظہار کیا ہے۔

بھارت کے وزیر خارجہ نٹور سنگھ نے پاکستان کی تجویر پر کہا کہ کشمیر سے فوجیں واپس بلانے کی تجویز پرغور کرنے کی ضرورت ہے۔

بھارتی وزیر خارجہ نے البتہ واضح کیا کہ کشمیر سے فوجوں کو واپس نکالنے کا فیصلہ یک طرفہ طور پر نہیں ہو سکتا۔

پاکستان کے فوجی حکمران جنرل پرویز مشرف نے پیر کو کہا تھا کہ پاکستان کشمیر سے فوجیں واپس بلانے کے لیے تیار بشرطیکہ بھارت بھی ایسا کرے۔

یہ تجویر ایسے وقت پیش کی گئی جب دونوں ملک زلزلہ سے متاثر ہونے والے خاندانوں کی مدد کے لیے لائن آف کنٹرول کو کھولنے والے ہیں۔

پاکستان نے ایک سال پہلے بھی کشمیر سے فوجیں واپس بلانے کی تجویز پیش کی تھی لیکن اس پر کوئی پیش رفت نہیں ہو سکی تھی۔