Sunday, 04 September, 2005, 19:55 GMT 00:55 PST

علیحدگی پسند کشمیری دِلّی میں

بھارت کے زیر انتظام کشمیر سےعلیحدگی پسند رہنماؤں کا ایک وفد بھارتی وزیر اعظم سے ملاقات کے لیے دِلّی پہنچ گیا ہے۔

دِلّی پہنچنے والےپانچ رکنی وفد کی قیادت کل جماعتی حریت کانفرنس کے سربراہ میر واعظ عمر فاروق کر رہے ہیں۔

عمر فاروق نے بی بی سی کو بتایا کہ بات چیت کا مقصد مسئلہ کشمیر کا پر امن اور دیر پا حل تلاش کرنا ہے۔

نامہ نگاروں کے مطابق من موہن سنگھ اور کشمیری رہنماؤں کے درمیان یہ ملاقات خطے میں امن کے قیام کی طرف ایک اور قدم ہے۔

تین ماہ قبل حریت رہنماؤں نے پاکستان کے زیر انتظام کشمیر کا دورہ کیا تھا اور اسلام آباد میں پاکستان کے صدر سے ملاقات کی تھی۔