Thursday, 03 June, 2004, 16:23 GMT 21:23 PST

’ووٹروں کا انتخاب ناقابلِ قبول ہے‘

بھارتیہ جنتا پارٹی کے صدر وینکایا نائیڈو نے کہا کہ ان کے لیے اب تک یہ بات ناقابلِ قبول ہے کہ انڈیا کے ووٹروں نے سونیا گاندھی اور کانگریس کو بھارت کی حکمرانی کے لیے چنا ہے۔

انتخابات کے بعد بی بی سی ورلڈ کے پروگرام ہارڈ ٹاک کے لیے دیے جانے والے پہلے تفصیلی انٹرویو میں ایم وینکایا نائیڈو نے کہا ہے کہ ’ہار‘ اور ’جیت‘ کی اصطلاحات کا اطلاق انتحابی نتائج پر نہیں ہوتا۔

انہوں نے ایک بار پھر اس بات پر اصرار کیا کہ کانگریس کو کوئی مینڈیٹ نہیں دیا گیا۔

مسٹر نائیڈو نے اس عزم کا اظہار کیا ہے کہ ان کے جماعت غیر ملکی شناخت رکھنے والے سیاسی امیدواروں کی مخالفت کرتی رہے گی۔

ان کا کہنا تھا کہ انتخابات میں اس معاملے کو اچھی نہیں طرح اٹھایا گیا تھا۔