Tuesday, 25 May, 2004, 08:11 GMT 13:11 PST
نئی بھارتی کابینہ میں کون کیا؟
بھارت کی نئی اڑسٹھ رکنی کابینہ میں چند اہم وزارتوں پر فائز ہونے والے وزراء۔
من موہن سنگھ کی عمر بہتر برس ہے اور وہ بھارت کے سابق وزیر خزانہ بھی رہے ہیں۔ انہیں بھارت میں اقتصادی اصلاحات کے پروگرام کا بانی تصور کیا جاتا ہے۔
من موہن سنگھ بھارتی تاریخ میں وزیراعظم کے عہدے پر فائز ہونے والے پہلے سکھ سیاستدان ہیں۔
من موہن سنگھ کی معاشی اور انتظامی مہارت پر کم ہی لوگوں کو شبہ ہے البتہ یہ سوال کیا جا رہا ہے کہ آیا وہ مخلوط حکومت کی قیادت سنبھالنے کے لئے سیاسی ثابت قدمی اور تجربہ کا مظاہرہ کر پائیں گے؟
برطانیہ کی آکسفورڈ یونیورسٹی سے تعلیم یافتہ ڈاکٹر من موہن سنگھ کانگریسی لیڈر سونیا گاندھی کے بااعتماد ہیں۔
سیاست میں آنے سے پہلے 68 سالہ شیوراج یونیورسٹی میں لیکچرر کے طور پر کام کرتے رہے ہیں۔ شیوراج لوک سبھا کے سپیکر بھی رہے ہیں اور انہوں نے پہلی مرتبہ لوک سبھا کی کارروائی کو براہ راست ٹی وی پر دکھانے کی اجازت بھی دی تھی۔
پہلی مرتبہ انتخابات میں جیتنے کے باوجود وہ ماضی کی کانگریسی حکومتوں میں اہم عہدوں پر فرائض انجام دے چکے ہیں جن میں خزانہ اور خارجہ کی اہم وزارتیں بھی شامل ہیں۔
پرناب مکرجی اپنی حیران کن یاداشت کی وجہ سے مشہور ہیں۔
نٹور سنگھ پاکستان میں بھارت کے سفیر بھی رہ چکے ہیں اور اس کے علاوہ انہوں نے راجیو گاندھی کی کابینہ میں بطور وزیر مملکت کے طور پر کام کیا تھا۔
نٹور سنگھ اچھے مصنف کی حیثیت سے بھی جانے جاتے ہیں۔ وہ ای ایم فاسٹر پر بھی ایک کتاب تحریر کر چکے ہیں۔ نٹور سنگھ کانگریس پارٹی کی خارجہ امور کمیٹی چلا رہے تھے۔
وزارتِ خارجہ کا قلمدان سنبھالنے کے بعد انہیں پاکستان کے ساتھ امن مذاکرات کی ذمہ داری بھی ادا کرنی پڑے گی۔
ہاورڈ سے قانون کی تعلیم حاصل کرنے والے اٹھاون سالہ چدمبرم کھلی منڈی اور آزاد تجارت کے حامی ہیں۔
موجودہ کابینہ میں وہ وزارتِ خوراک و زراعت کے شعبے کے وزیر کے طور پر خدمات انجام دیں گے۔
وزیرِ تعلیم
ارجن سنگھ بھارت کے نئے وزیر تعلیم مقرر کئے گئے ہیں۔ ان کا شمار بھی کانگریس کے پرانے حامیوں اور گاندھی خاندان کے وفاداروں میں ہوتا ہے۔
چوہتر سالہ ارجن سنگھ نے انیس سو ساٹھ میں کانگریس پارٹی کی رکنیت اختیار کی تھی اور ماضی میں ریاستی گورنر اور وفاقی وزیر رہ چکے ہیں۔
ارجن سنگھ کانگریس کی سربراہ سونیا گاندھی کے قریبی ترین ساتھیوں میں شامل ہیں۔