آئیفا ایوارڈز: موج مستی، ہنگامے

آئیفا ایوارڈز: موج مستی، ہنگامے

دبئی میں آئیفا ایوارڈز بہت کچھ موج مستی، ہنگامے، چند تنازعات اور کچھ ان کہی باتوں کے ساتھ ختم ہوگئے۔۔۔۔۔۔۔اتنی ڈھیر ساری خبریں ہیں کہاں سے شروع کریں ۔۔۔۔۔۔۔چلیئے نازک اندام ہری آنکھوں والی حسینہ ایش سے ہی شروعات کرتے ہیں۔ ’ایش بے بی‘ کانز فلمی میلے میں اپنے مغربی لباس اور بے باک انداز کے لیئے خبروں میں تھیں، لیکن آئیفا میں دیسی لباس یعنی ساڑی میں ستم ڈھاتی نظر آئیں۔

سنا تھا کہ دبئی میں بھی وہ ’کجرارے‘ کی دھن پر تھرکیں گی لیکن پھر جب دوسرے روز وہ وطن واپس آگئیں تو حیرت ہوئی۔ پتہ چلا چونکہ سلو بھیا سٹیج پر دھمال کرنے والے ہیں اس لیئے ایش وہاں کیسے رہ سکتی تھیں۔

امت جی کا میک روم، پریتی کا رقص

رشی کی بد دلی، سیف کے سٹیپس

بتایا جاتا ہے کہ فلم بلیک کے ہدایتکار سنجے لیلا بھنسالی کی بہن کو دبئی آنے کی دعوت دی گئی لیکن پروگرام میں شرکت کا پاس نہیں دیا گيا۔

کنگ خان کی شان

ابھی تو فلمی ستارے دبئی سے ممبئی واپس لوٹے ہیں بہت سی چٹپٹی باتیں تو ابھی دھیرے دھیرے سامنے آئیں گی۔

ایک کامیاب فلم کا سوال

وویک اوبرائے نے اپنی فلم ’اومکار‘ میں ایک کردار کے لیئے گٹار بجانے کی باقا‏عدہ تربیت سیف علی خان سے لی۔ بے چارے وویک کب سے ایک کامیاب فلم کی تلاش میں سخت محنت کر رہے ہیں لیکن قسمت ہے کہ ان پر مہربان ہی نہیں ہو رہی ہے۔

سپر اسٹار فدا
امیتابھ
امیتابھ بچوں کی بے باکی سے متاثر ہوئے

کیا آپ کو پتہ ہے کہ سپر اسٹار امیتابھ بچن کس پر فدا ہیں؟ وہ ہیں بلیک کی چائلڈ آرٹسٹ آئیشہ کپور، جس نے رانی مکھر جی کے پچپن کا رول ادا کیا اور فلم ’فنا‘ میں کاجول کے بیٹے کا کردار نبھانے والے علی صرتقی حاجی۔ علی حالانکہ اس سے پہلے کئی اشتہارات میں کام کر چکے ہیں لیکن فنا میں علی کی اداکاری نے تو امت جی کو ان کا دیوانہ کر دیا۔ امت جی علی کی بے باکی اور حاضر جوابی سے اس وقت متاثر ہوئے جب علی نے کہا کہ کیا وہ اس کے ساتھ کسی فلم میں کام کر سکیں گے؟

پرینکا چوپڑا کی قیمت

سچائی کا مزہ

عامر نے پھر ہیرا پھیری دیکھی

عامر خان نے ایک روز اچانک ’پھر ہیرا پھیری‘ کے فلمساز کو فون کر کے کہا کہ وہ ان کی فلم دیکھنا چاہتے ہیں۔ فلمساز حیران ہو گئے، لیکن خوشی خوشی انہوں نے عامر خان کی فیملی کے لیئے خصوصی طور پر فلم کی سکرینگ کی۔ اب سنیل یا اکشے کو خوش ہونے کی ضرورت نہیں۔ عامر کو فلم میں پریش راول کی اداکاری بہت پسند آئی ہے اور ان‍ہوں نے کھل کر ان کی تعریف بھی کی۔ بس اب کیا تھا پریش نے فلموں میں اپنا معاوضہ بڑھا دیا ہے۔
عامر خان
عامر کو فلم میں پریش راول کی اداکاری بہت پسند آئی ہے

پھر ہیرا پھیری کی بات نکلی ہے تو ایک مزے دار واقعہ بتاتے چلیں ۔ اب تک ہم نے ہیروئنوں کے درمیان ہونے والی ’کھٹ پٹ‘ کے بارے میں بتایا تھا لیکن کیا آپ جانتے ہیں ہیرو کس طرج لڑتے ہیں۔ ۔۔۔نہیں نا۔۔۔فلم پھر ہیرا پھیری کی ایڈیٹنگ کے وقت سنیل اور اکشے میں زبردست ٹھن گئی۔ دونوں نے ایک دوسرے کو خوب برا بھلا کہا۔ سنیل کا الزام تھا کہ اکشے نے فلم میں اس کے سین کاٹنے پر فلمساز کو مجبور کیا اور اکشے کا کہنا تھا کہ فلم میں سنیل کے شاٹس زیادہ رہے ہیں۔ ویسے اکشے پر یہ الزام پہلی مرتبہ نہیں لگا ہے۔ اسی طرح امیتابھ بچن میں ایڈیٹنگ ٹیبل سے اٹھ کر چلے گئے تھے۔

چلتے چلتے
کیا آپ جانتے ہیں کہ مشیہ بھٹ کی ہر فلم کی ہیروئین کی آواز ایک جیسی کیوں ہوتی ہے۔ ارے بھئی وہ ہر فلم کی ہیروئین کے لئے مونا گھوش کی آواز میں مکالمے ڈب کرتے ہیں۔

منفرد آواز کے مالک کشور کمار کے عالیشان بنگلہ ميں کوئی میوزک سینٹر یا سکول کھولنے کے بجائے وہاں ایک ’سپا‘ کھل رہا ہے۔

سنیل شٹی فلم امراؤ جان میں اداکاری کے دوران اردو میں مکالمے بولنے کے لیئے شبانہ اعظمی سے اردو سیکھ رہے ہیں۔


	امیتابھ بچوں کی بے باکی سے متاثر ہوئے


	عامر کو فلم میں پریش راول کی اداکاری بہت پسند آئی ہے