Tuesday, 02 May, 2006, 14:59 GMT 19:59 PST

گیارہ ستمبر پر فلم کی مقبولیت

امریکہ پر گیارہ ستمبر دو ہزار ایک کے حملوں کے بارے میں بننے والی پہلی فلم امریکہ میں ریلیز ہونے کے دو دن کے اندر ہی باکس آفس کے لحاظ سے دوسری سب سے کامیاب فلم بن گئی۔

’یونائیٹڈ 93‘ نامی یہ فلم یونائٹڈ ائرلائنز کی اس پرواز کے بارے ہے جس پر مسافروں نے ہائی جیکروں کو روکنے کی کوشش کی تھی۔

عام ریلیز سے قبل اس فلم کو اپریل کے آخری ہفتے میں نیو یارک کے ٹرائبیکا فلم فیسٹیول میں دکھایا گیا تھا۔

امریکہ میں کئی لوگوں کو خدشہ تھا کہ امریکی عوام گیارہ ستمبر کے واقعات کے بارے میں کوئی فلم دیکھنا پسند نہیں کرتے اور اس سے گھبراتے۔ خیال تھا کہ اس فلم کو دیکھنے کے لئے بہت کم لوگ دیکھنے آییں گے لیکن ریلیز کے بعد فلم بڑی کامیاب رہی اور پہلے دو دن میں ہزاروں لوگ اسے دیکھنے آئے ہیں۔

فلم سٹوڈیو ’یونی ورسل‘ کے صدر نِکی روکو کا کہنا تھا ’امریکی عوام واضح طور سے یہ ظاہر کر چکے ہیں کہ وہ اس طرح کی فلم کے لیئے تیار ہیں۔‘

پچھلے ہفتے ’یونائٹڈ 93‘ سے زیادہ کامیابی حاصل کرنے والی فلم سٹیو مارٹن کی نئی مزاحیہ فلم ’آر وی‘ تھی۔