ہٹلر کا ڈاکیہ 5200 پاؤنڈ میں نیلام
برطانیہ کے علاقے کورنوال میں جرمنی کے نازی آمر اڈولف ہٹلر کے بنائی ہوئی ایک واٹر کلر پینٹنگ پانچ ہزار دو سو پاؤنڈ میں نیلام ہوئی ہے۔
نازی آمر نے جرمنی کے ایک ڈاکیے کی پینٹنگ 1924 میں بنائی تھی۔ بدھ کے روز یہ پینٹنگ نیلام کی گئی۔
نیلام کرنے والی کمپنی کے منیجر آئن مورس نے بتایا کہ ہٹلر کی بنائی ہوئی یہ نایاب تصویر لوسٹویتھل کے ایک نجی خریدار نے خریدی۔
ہٹلر کی سکیچ بک سے لی گئی چھ انچ چوڑی اور سات انچ لمبی اس پینٹنگ کو ٹورپوائنٹ کے ایک شخص نے بیچا۔
انہوں نے یہ تصویر نازی آمر کے نجی ایڈجوٹینٹ کے دوست آٹو گنشے سے خریدی تھی۔
ہٹلر نے سینکڑوں سکیچ اور چھوٹی چھوٹی پینٹنگ بنائی تھیں جو کہ اب عجائب گھروں میں رکھی ہوئی ہیں۔