Wednesday, 29 September, 2004, 11:33 GMT 16:33 PST

بوائے فرینڈ کا نعم البدل تکیہ

تکیے بنانے والی ایک کمپنی نے اکیلی رہنے والی عورتوں کو ایک ایسے تکیے کی پیشکش کی ہے جو انتہائی آرام دہ ہونے کے ساتھ ساتھ کوئی مطالبہ نہیں کرتا اور نا ہی خراٹے لے کر بیزار کرتا ہے۔

یہ تکیہ عورت کے لیے بوائے فرینڈ کے مضبوط بازو کی حثیت رکھتا ہے۔ دسمبر سے تکیے کی سیل کا آغاز ہو چکا ہے اور اب تک ایک ہزار اکیلی عورتیں اسے خرید چکی ہیں۔

مینوفیکچرر کیمیو کا کہنا ہے کہ یہ جسم کو متوازن بھی رکھتا ہے۔

جنکو سوزوکی نے جو اپنے شوہر سے علیحدہ رہتی ہیں نے کہا ہے ’ یہ مجھے تسکین دیتا ہے اور جب میں اس کا بازو پکڑ کر سوتی ہوں تو جسم میں حرارت کا احساس ہوتا ہے۔‘

اے پی سے بات کرتے ہوئے سوزوکی نےمزید کہا ’اس کے اور بھی بہت سے فائدے ہیں جیسے کہ یہ دھوکہ نہیں دیتا‘

ابھی تک تکیہ صرف جاپان میں نیلے، گلابی اور سبز رنگ میں دستیاب ہے اور اس کی قیمت 8500 ین ہے۔