Sunday, 06 June, 2004, 15:32 GMT 20:32 PST

سنگر جینیفر لوپیز نے شادی کرلی

اطلاعات کے مطابق مشہور سنگر جینیفر لوپیز نے لاس اینجیلس میں اپنے گھر پر سنگر مارک اینتھونی کے ساتھ شادی کر لی ہے۔

ہفتہ وار امریکی میگزین پیپل اینڈ اس کے مطابق یہ شادی لو پیز کے گھر پر چالیس مہمانوں کے سامنے ہفتے کے روز ہوئی۔ جینیفر لوپیز کی یہ تیسری شادی ہے جو انہوں نے اس سال جنوری میں فلم سٹار بین ایفلیک کے ساتھ اپنی منگنی توڑنے کے بعد کی ہے۔

لاطینی انداز کے سنگر اینتھونی نے پچھلے ہفتے سابق مس یونیورس ڈینارا ٹورس سے طلاق لی تھی۔ دونوں میاں بیوں کے ترجمانوں سے اس شادی پر تبصرے کے لئے رابطہ نہیں ہوسکا۔

لوپیز نے، جن کی عمر تینتیس برس ہے، 1997 میں ایک بیرے اوجانی نووا سے اور پھر 2001 میں ڈانسر کرس جڈ سے شادی کی تھی۔