Ukraine: Urusi ni sawa na Islamic State
Ukraine siku ya Jumatano ililinganisha Urusi na Islamic State na kuitaka Mahakama ya Kimataifa ya Uhalifu kufanya uchunguzi baada ya video kutokea mtandaoni inayoonyesha wanajeshi wa Urusi wakijirekodi wakimkata kichwa mateka wa Ukraine kwa kisu
Moja kwa moja
Ukraine: Urusi ni sawa na Islamic State
Chanzo cha picha, Getty Images
Ukraine siku ya Jumatano ililinganisha Urusi na Islamic State na kuitaka Mahakama ya Kimataifa ya Uhalifu kufanya uchunguzi baada ya video kutokea mtandaoni inayoonyesha wanajeshi wa Urusi wakijirekodi wakimkata kichwa mateka wa Ukraine kwa kisu.
Video hiyo haikuweza kuthibitisha mara moja uhalisi au asili ya video hiyo kwenye mitandao ya kijamii, ambayo ilionyesha mwanamume aliyevalia sare akimkata kichwa mwanamume aliyevalia aina fulani ya kama bangili mikono ya njano inayotumiwa na wanajeshi wa Ukraine.
Kremlin ilielezea video hiyo kama "ya kutisha" lakini ikasema ukweli wake unahitajika kuchunguzwa.
Moscow ilikanusha siku za nyuma kwamba wanajeshi wake wanafanya ukatili wakati vita hivyo vinaendelea.
"Kuna kitu ambacho hakuna mtu duniani anayeweza kupuuza: jinsi wanyama hawa wanavyoua kwa urahisi," Rais wa Ukraine Volodymyr Zelenskiy alisema katika ujumbe wa video.
"Kutakuwa na jukumu la kisheria kwa kila kitu. Kushinda ugaidi ni muhimu sana."
Soma zaidi:
Wahamiaji wa Ethiopia wakamatwa nchini Tanzania baada ya ajali
Chanzo cha picha, Getty Images
Polisi nchini Tanzania wanawashikilia wahamiaji 63 wa Ethiopia baada ya kukamatwa katika eneo la Njombe kusini magharibi, karibu na mpaka na Malawi.
Kamanda wa polisi mkoa wa Njombe Hamis Issah amesema wahamiaji hao wamekamatwa baada ya lori lao kupata ajali mwishoni mwa wiki.
Bw Issah alisema takriban wahamiaji 100 wa Ethiopia waliingia nchini kinyemela kupitia mpaka wa Tanzania na Kenya.
Takriban wengine 40 wanasemekana kutoroka.
Wahamiaji wa Ethiopia wanaotafuta hali bora ya maisha nchini Afrika Kusini mara nyingi hupitia Kenya, Tanzania na Msumbiji kufika wanakoenda.
Vyombo vya habari vya ndani vinasema Tanzania inawazuilia zaidi ya wahamiaji 4,000 wasiofuata utaratibu na mara nyingi huwarudisha makwao wale walio tayari kurejea nyumbani.
Tume ya uchaguzi ya Nigeria inataka malalamiko yaliyowasilishwa na upinzani kutupiliwa mbali
Chanzo cha picha, AFP
Tume ya Uchaguzi ya Nigeria, Tume Huru ya Kitaifa ya Uchaguzi (INEC), imeiomba mahakama ya uchaguzi kutupilia mbali changamoto za matokeo ya uchaguzi wa rais uliofanyika mwezi Februari.
Bola Tinubu wa chama tawala cha APC alitangazwa mshindi kwa 37%.
Lakini wapinzani wake, Atiku Abubakar aliyeshika nafasi ya pili na Peter Obi aliyeshika nafasi ya tatu, wamekataa matokeo hayo na wanataka mahakama ya uchaguzi ifute matokeo hayo.
Katika utetezi wake katika Mahakama ya Malalamiko ya Uchaguzi wa Rais, tume ya uchaguzi ilieleza maombi yaliyowasilishwa na wagombea wa upinzani kuwa "yasio na uwezo mkubwa, yasiyoeleweka na ya kitaaluma".
Ilisema kulikuwa na "unyanyasaji wa mchakato wa mahakama".
Hapo awali (INEC) iliomba radhi kwa "hitilafu za kiufundi" ambazo zilizuia utumaji wa matokeo ya kielektroniki kutoka kwa vituo vya kupigia kura.
Ilisema kuwa tofauti zozote kati ya matokeo kwenye tovuti yake na "matokeo ya kimwili" yatachunguzwa na kutatuliwa.
Mchakato wa uchaguzi ulikosolewa na vikundi vya waangalizi kama kwenye mapungufu ya viwango vinavyohitajika.
Soma zaidi:
Kenya yatoza faini programu ya mkopo kwa kuaibisha wateja juu ya madeni yao
Chanzo cha picha, AFP
Maelezo ya picha, Wakenya wamekuwa na mazoea ya kuchukua mikopo kupitia programu za kukopesha kidijitali Mamlaka ya Kenya imemwadhibu mkopeshaji wa mtandaoni $3,700 (£3,400) kwa madai ya kuingilia na kushirikisha data ya kibinafsi ya wateja.
Ilifuata malalamiko yaliyowasilishwa dhidi yake na watumiaji juu ya ukiukaji wa data ya kibinafsi.
Ofisi ya Ulinzi wa Data ilisema ilipokea takriban malalamiko 150 dhidi ya Whitepath Ltd, ikidai kuwa programu ya mkopeshaji ilikuwa imetafuta data ya mawasiliano ya simu ili kujihusisha na vitendo vya kuaibisha wateja kwasababu ya madeni.
Wafanyikazi wa mkopeshaji pia walishutumiwa kwa kuwanyanyasa walalamikaji na marafiki zao kupitia mawasiliano ya simu yaliyofanyika kwa njia isiyo ya kawaida.
Kampuni inayouza afisi kwa wanaotaka kukodi, Regus Kenya, pia ilitozwa faini ya kiasi sawa na hicho baada ya kushutumiwa kwa kusambaza ujumbe unapokewa bila ridhaa ya mteja licha ya juhudi za mteja kusitisha ujumbe kutoka kwao.
Kamishna wa data nchini Kenya, Immaculate Kassait, alisema kuwa ulinzi wa data ni jukumu la kila mdhibiti na mchakataji data.
Pia unaweza kusoma:
Elon Musk :Twitter "inaonekana kuwa karibu kufilisika"
Katika mahojiano yake, Elon Musk alisema "wakati fulani" alilala katika Makao Makuu ya Twitter kwenye kochi kwenye "maktaba ambayo hakuna mtu anayeenda" kwenye ghorofa ya saba.
Wakati Musk alipochukua Twitter kwa mara ya kwanza, wafanyakazi kadhaa walishiriki picha za ofisi yake ambayo ilikuwa imegeuzwa kuwa vyumba vya kulala.
Wakati huo, Musk pia alituma barua pepe kwa wafanyikazi wote wa Twitter akisema "watahitaji kuwa na bidii zaidi" ili kufanikiwa, na kufanya kazi "saa nyingi kwa nguvu ya juu".
"Ufaulu wa kipekee ndio utakaounda alama ya kufaulu," aliandika.
Katika ujumbe wa Twitter ambayo aliifuta baadaye, Musk alichapisha kwamba yeye mwenyewe atafanya kazi na kulala ofisini "mpaka shirika litakaporekebishwa na kuwa sawa".
Haya ni baadhi ya madai yake muhimu kuhusu kampuni hiyo ya mitandao ya kijamii:
- Alipoulizwa kama alinunua Twitter kwa $44bn kwa sababu mahakama ya Marekani ilimlazimisha, Musk anasema "ndio, ndio nilifanya hivyo"
- Mkurugenzi Mtendaji wa kampuni hiyo anasema Twitter "inaonekana kuwa karibu kufilisika" baada ya usimamizi wa awali kuiendesha kama "isiyo ya faida."
- Anasema kampuni hiyo ilikuwa ikikaribia kuanguka ndani ya miezi minne tangu achukue hatamu, baada ya kushuka kwa mapato kutoka karibu $4.5bn (£3.6bn) kwa mwaka hadi $3bn.
- Anasema kampuni hiyo ilikuwa ikikaribia kufilisika ndani ya miezi minne tangu achukue uongozi wake, baada ya kushuka kwa mapato kutoka karibu $4.5bn (£3.6bn) kwa mwaka hadi $3bn
- Musk anaongeza kuwa "hatua za dharura" zilihitaji kuchukuliwa, ambazo zilisababisha hadi kufukuzwa kazi kwa wafanyakazi wapatao 6,500 tangu achukue wadhifa wake
- Anakubali matukio ya hivi majuzi yalisababisha msukosuko wa mapato kutokana na wanaosimamia matangazo ya biashara kujiondoa kwenye jukwaa hilo, lakini anasema "wanarudi".
Baada ya Musk kununua Twitter kwa $44bn mwaka jana aliifanya kampuni hiyo kuwa ya binafsi, ambayo ina maana BBC haina uwezo kuthibitisha madai yake kuhusu fedha zake.
Pia unaweza kusoma:
Migogoro mashariki mwa Congo yalazimu maelfu ya shule kufungwa
Chanzo cha picha, Reuters
Thomas Tumusifu Buregeya anatamani angalikuwa anasoma kwa ajili ya mitihani yake ya mwisho ya shule, limesema shirika la habari la Reuters.
Badala yake, anatafuta riziki ya kufanya kazi zisizo za kawaida katika kambi ya watu waliokimbia makazi yao mashariki mwa Jamhuri ya Kidemokrasia ya Congo baada ya wimbi la ghasia za waasi kuvuruga maisha yake tena.
Buregeya alikimbia mji wa Kibumba na familia yake mwezi Oktoba huku kukiwa na mashambulizi mapya ya kundi la waasi la M23 - mara ya tatu katika kipindi cha miaka 15 amelazimika kutoroka nyumbani kwake na hajaweza kusoma kwa mwaka mzima. Sasa ana umri wa miaka 22 na bado anasubiri kumaliza shule.
Buregeya alitoroka mji wa Kibumba na familia yake mwezi Oktoba huku kukiwa na mashambulizi mapya ya kundi la waasi la M23 - mara ya tatu katika kipindi cha miaka 15 akilazimika kutoroka nyumbani kwake na hajaweza kusoma kwa mwaka mzima.
Sasa ana umri wa miaka 22 na bado anasubiri kumaliza shule.
“Nikiwa katika kambi hii naona...walio katika mwaka wa mwisho wa masomo kama mimi, inaniuma sana, najiuliza ni lini nitamaliza masomo, miaka inasonga,” alisema.
Yeye ni mmoja wa vijana 750,000 wa Congo ambao masomo yao kwa sasa yamekatizwa kutokana na ukosefu wa usalama katika majimbo ya mashariki ya Kivu Kaskazini na Ituri, shirika la Umoja wa Mataifa la kuhudumia watoto (UNICEF) lilikadiriwa idadi hiyo mwishoni mwa mwezi Machi.
Katika kambi ndogo iliyo karibu na kanisa la kiinjili nje ya mji mkuu wa mkoa wa Goma, Buregeya anatumia muda wake kuegemea ukuta wa bati wa kanisa au kucheza karata na marafiki wa shule pia waliofurushwa kutoka eneo la Kibumba, kulingana na Reuters.
Tangu Januari 2022, shule zipatazo 2,100 mashariki mwa Congo zimelazimika kufungwa kwa sababu ya mapigano ya kivita, kulingana na UNICEF.
Uharibifu unaweza kuwa wa muda mrefu. Bila kupata elimu, watoto na vijana wanaweza kukosa nafasi ya kukuza ujuzi unaohitajika ili kuondokana na umaskini na kuondokana na changamoto za kiuchumi ambazo zinasaidia kuchochea migogoro katika maeneo kama vile Mashariki ya Congo yenye madini, kulingana na ripoti ya Umoja wa Mataifa ya 2011 kuhusu elimu ya kimataifa na migogoro inayohusisha silaha.
Pia unaweza kusoma:
Umoja wa Mataifa wataka uchunguzi ufanyike kuhusiana na tisho la mauaji dhidi ya muakilishi wake Sudan
Chanzo cha picha, Getty Images
Maelezo ya picha, Katibu mkuu wa Umoja wa Mataifa António Guterres Umoja wa Mataifa umetoa wito kwa serikali ya Sudan kuchunguza tisho la mauaji ya afisa wake wa ngazi ya juu nchini humu humo.
Katibu mkuu wa Umoja wa Mataifa ameelezea hofu kuhusiana na video inayosambazwa kwenye mitandao ya kijamii, ambapo mwanaume mmoja anauliza iwapo kumuua mwanadiplomasia wake Volter Perthes ni kinyume cha sheria.
Mwanaume huyo amekuwa akimtusi na kumkosoa muakilishi Mjumbe maalumu wa Umoja wa mataifa nchini Sudan katika maeneo ya kidini .
Alimshutumu Bw Perthes kwa kuwaondoa Waislamu wenye itikadi kali katika mazungumzo yanayoongozwa na Umoja wa Mataifa kwa ajili ya kurejesha mamlaka ya nchi kwa utawala wa kiraia.
Hatahivyo waandalizi wa tukio la kidini, wamejitenga na kauli za mwanaume huyo dhidi ya Bw Perthes.
Raila Odinga aitisha mkutano wa umma kabla ya mazungumzo na serikali
Chanzo cha picha, Reuters
Maelezo ya picha, Muungano wa Raila Odinga unasema utawafafanulia watu hatua yake inayofuata Muungano mkuu wa upinzani nchini Kenya umetangaza mipango ya kufanya"mazungumzo ya moja kwa moja" na umma wakati ukijiandaa kwa mazungumzo na serikali kuhusu mageuzi kuhusu uchaguzi.
Muungano huo wa Azimio la Umoja, unaoongozwa na mwanasiasa mkongwe wa upinzani Raila Odinga, ulisema kuwa bado unajitolea kuepusha wasi wasi wa kisiasa kwa njia ya mazungumzo baada ya maandamano ya kuipinga serikali yaliyogeuka kuwa ghasia mwezi uliopita.
Muungano huo umesema kuwa utafanya mkutano wake wa kwanza wa kusikiliza maoni ya umma siku ya Alhamisi ambao utafuatiwa na mkutano wa hadhara Jumapili katika mji mkuu Nairobi na hatua zitakazochukuliwa".
"Azimio bado imejitolea katika moyo wa mkataba wa Pasaka ambapo pande mbili ziliafiki kufanya mazungumzo ," ilisema taarifa ya Azimio la Umoja.
Muungano tawala na Azimio tayari zimekwishataja majina ya wawakili wao katika mazungumzo, ambayo Bw Odinga anasema ni lazima yaendelezwe zaidi ya bunge.
Upinzani unaitaka serikali "kuja kwenye meza ya mazungumzo na mikono safitsafi, bila hasira na kuwa tayari kwa mchakato wa kweli n awa uwazi wa kuzungumzia matatizo yanayoikumba nchi".
Mwezi uliopita , watu watatu , akiwemo afisa wa polisi, walifariki na mali kuharibiwa katika maandamano ya kupinga serikali ambayo pia yaliajeruhi mamia ya watu wengine.
Bw Odinga, ambaye anadai kwamba aliibiwa kura za urais katika uchaguzi wa mwaka jana , alisitisha maandamano baada yar ais William Ruto kukubali kufanya mazungumzo na upinzani.
Ametishia kurudi mtaani iwapo Azimio haitaridhishwa na mchakato.
Unaweza pia kusoma:
- Kwanini maandamano ya Kenya yanaweza kuleta msiba Tanzania na Uganda?
- Raila Odinga aongoza maandamano ya kupinga serikali licha ya pingamizi
- Odinga asema maandamano yataendelea huku mabalozi wakitaka utulivu Kenya
Maandamano dhidi ya kusambaratishwa kwa wanamgambo yaendelea Ethiopia
Chanzo cha picha, AFP
Maelezo ya picha, Vikosi vya Amhara vilihusika katika vita dhidi ya waasi wa Tigray Maandamano yameendelea katika maeneo kadhaa katika jimbo la Ethiopia la Amhara kwa siku ya sita mfulurizo kupinga mpango wa kuvunjwa kwa jeshi la kikanda.
Waandamanaji walikabiliana na vikosi vya usalama na miji mitatu imeweka sheria ya kutotoka nje usiku.
Licha ya sheria hizo – ikiwa ni pamoja na marufuku ya mikusanyiko ya umma – hakuna dalili za kukoma kwa maandamano.
Mikutano imekuwa ikifanyika katika miji mbali mbali huku makabiliano yakiripotiwa katika eneo la Debrebirhan, kilomita130 ( maili 80) kaskazini mwa mji mkuu Addis Ababa na moja ya miji ambako armri ya kutotoka nje usiku imetangazwa.
Risasi pia zilifyatuliwa katika mji wa Kombolcha baada ya maelfu ya watu kuandamana mitaandi.
Kikundi chautetezi cha Amhara Association of America kimevishutumu vikosi vya serikali kwa kuwafyatulia risasina kuwauwa raia Jumatatu na Jumanne.
Maafisa wanasema kuvunja Kikosi cha Amhara Special Forces (ASF) pamoja na makundi mengine ya aina yake katika majimbo 11 ya Ethiopia na kuwaingiza katika jeshi au polisi kutasaidia kubuni kikosi imara kimojachenye umoja.
Lakini wapinzani katika Amhara wanasema hatua hiyo italiacha jimbo katika hatari ya mashambulio kutoka kwa majirani zake.
Unaweza pia kusoma:
- Sababu ya kukamatwa kwa maelfu ya watu mkoa wa Amhara
- Vita vya Ethiopia: Ushahidi wa mauaji ya watu wengi wanaochomwa - mashahidi
Marekani inachukulia kwa uzito mkubwa suala la kuvuja kwa nyaraka za siri - Waziri wa ulinzi Lloyd Austin
Chanzo cha picha, Getty Images
Waziri wa ulinzi wa Marekani Lloyd Austin amesema Marekani inalichukulia kwa uzito mkubwa suala la uvujaji wa hivi karibuni wa nyaraka zake za siri na akasemakwa mara nyigine tena kuwa Wizara ya sheria inafanya uchunguzi.
Waziri wa ulinzi Anthony Blinken, ambaye alizungumza akiwa pamoja naAustin, aliongeza kuwa Marekani ilikuwa imefanya mazungumzo na washirika wake kuhusiana na kuvuja kwa nyaraka katika siku za hivi karibuni.
"Siwezi kusema mengi kwa sasa wakati wizara ya sheria inafanya uchunguzi, lakini tunauchukulia [uvujaji] huu kwa uzito mkubwa sana," Lloyd Austin alinukuliwa na CNN na mashirika mengine ya habari akisema.
"Tutaendelea kufanya uchunguzi na kupekua kila kitu hadi tupate chanzo cha kuvuja na kumaliza uwepo wake ," aliongeza Waziri wa ulinzi wa Marekani.
Austin anasema hufanya mashauriano kila siku na viongozi wa kijeshi kuhusu uvujaji wa nyaraka za siri.
Anthony Blinken aliwaambia waandishi wa habari kuwa kwa kipindi cha siku chache zilizopita Marekani imekuwa na mawasiliano ya kiwango cha juu na washirika wake na kuwahakikishia kuwa Marekani inajaribu kutunza siri n ani jukumu lake kwa washirika wake.
Unaweza pia kusoma:
- Vita vya Ukraine: Uvujaji unaonyesha vikosi maalum vya Magharibi vipo Ukraine
- Ufichuzi wa Pentagon waonesha S Korea ina wasiwasi kuhusu kutuma silaha Ukraine
Video yaonekana kwenye intaneti ya mwanajeshi wa Ukraine akikatwa kichwa
Chanzo cha picha, Getty Images
Jumanne jioni, video ya kutisha ilianza kusambazwa kwenye mtando ikionyesha mwanaume aliyevaa magwanda ya kijeshi huku akiwa amevaa utepe mweupe (ambao kwa kawaida hutumiwa kama utambulisho wa mwanajeshi wa Urusi nchini Ukraine) akimkata kichwa mwanaume hai aliyekuwa amevaa sare ya jeshi la Ukraine.
BBC haiwezi kuthibitisha uhalisia wa video na hivyo haichapishi viunganishi vya mitandao yenye video hiyo.
Nyuso za watu katika video hiyo ya dakika moja na nusuzimefunikwa na barakoa. Mmoja anayeaminiwa kuwa ni mwanajeshi Mrusi anazungumza kupitiaradio ya mawasiliano na kutoa maagizo kwa mwanajeshi wa pili (ambaye anatekeleza mauaji kwa kutumia kisu).
Picha hiyo pia inaonyesha jinsi watu wawili wanavyoelezea mbele ya kamerajinsi wanavyomvua mwanajeshi wa Ukraine fulana ya kujikinga na risasi. Utepe wa rangi ya manjano unaonekana kwenye sare ya jeshi ya mtu ambaye anauawa (utepe wa rangi ya manjano hutumiwa na wanajeshi wa Ukraine vitani).
Video hiyo inaonyesha majani ya kijani kibichi, kwahiyo huenda ilirekodiwa nyakati zilizopita, kwani kwa sasa hali ya hewa ni ya baridi kali.
Muda mfupi baada ya kuonekana kwa video kwenye intaneti, mkuu wa ofisi yar ais wa Ukraine, Andriy Yermak, aliandika kwenye mitandao ya kijami : "Kutakuwa na jibu na uwajibikaji kwa kila kitu."
Yermak hakusema sababu ya kutuma ujumbe huo, lakini baadhi ya vyombo vya habari vya Ukraine vinasema hili ni jibu la kuonekana kwa video ya mauaji.
Urusi na Ukraine: Mengi zaidi
- YA MSINGI:Mzozo wa Ukraine: Kwanini Urusi inaivamia Ukraine na Putin anataka nini?
- UFAFANUZI:Mzozo wa Ukraine: Swift ni nini na kwa nini kuipiga marufuku Urusi ni muhimu sana?
- UCHAMBUZI:Mzozo wa Ukraine: Putin humsikiliza nani?
- KWENYE RAMANI:Uvamizi wa Ukraine: Shambulio la Urusi kwenye ramani
- ZELENSKY:Volodymyr Zelensky: Mfahamu rais wa Ukraine aliyeacha umaarufu wake wa TV na kuingia kwenye siasa
- PUTIN:Vladimir Putin: Rais wa Urusi aliyeagiza shambulio Ukraine
Mzozo wa wahamiaji Ulaya: Watu 400 bado wamekwama ndani ya boti
Chanzo cha picha, EPA-EFE/REX/SHUTTERSTOCK
Maelezo ya picha, Walinzi wa mwambao wa Italia wakilikaribia boti lililowabeba wahamiaji katika Bahari ya Lonian tarehe 10 Februari Watu mia nne walioabiri boti la uvuvi kwenye mwambao wa kusini mwa Italia bado hawajaokolewa, zaidi ya siku mbilibaada ya wanaharakati kutoa tahadhari .
Boti hiyo, inayoaminiwa kuwa iling’oa nanga kutoka Tobruk nchini Libya, ilikuwa ikisindikizwa na walinzi wa mwambao wa Italia Jumanne.
Lakini hali ndani ya boti imesalia kuwa "ya wasiwasi", imesema taasisi isiyo rasmi inayowasaidia wahamiaji walio mashakani .
Kikosi cha walinzi wa mwambao wa Italia kimesema hali ngumu ya bahari inaathiri uokoaji.
Boti hiyo ni moja ya vyombo viwili vinavyowabeba wahamiaji ambavyo kwa sasa vinasaidiwa na walinzi wa mwambao wa Italia. Boti ya pili inawasafirisha wahamiaji wapatao 800.
Kikosi cha walinzi wa mwambao tayari kimekwisha waokoa watu 2,000 katika operesheni nyingine tangu Ijumaa, baada ya boti kadhaa kuwasili katika kisiwa cha Italia cha Lampedusa, moja ya bandari kuu za kuwasili kwa watu wanaotaka kufika Ulaya.
Taarifa zaidi kuhusu wahamiaji Ulaya:
- Ni njia zipi hatari zaidi za wahamiaji duniani?
- Malkia wa urembo aliyehatarisha maisha yake kuingia Uingereza
Viatu vya Michael Jordan vyauzwa kwa dola milioni 2.2
Chanzo cha picha, SOTHEBY'S
Maelezo ya picha, Viatu vya Air Jordan XIIIs vilivaliwa na Michael Jordan wakati wa fainali za NBA mwaka 1998 NBA Finals vimeizwa kwa dola milioni 2.2 Jozi moja ya viatu vya michezo ambavyo wakati mmoja vilivaliwa na mchezaji maarufu wa zamani wa mpira wa kikapu wa Marekani Michael Jordan vimeuzwa kwa dola milioni $2.2(£1.7m) katika mnada, vikiwa ndivyo viatu vilivyouzwa kwa bei ya juu zaidi duniani .
Viatu hivyo vilivyosainiwa vilikadiriwa kuambavyo vilikadiriwa kuuzwa kwa kati yad ola milioni 2 hadi dola milioni 4 - ni miongoni mwa vitu vyenye gharama ya juu zaidi vilivyopigwa vya Jordan mnada.
Chanzo cha picha, Getty Images
Jezi aliyoivaa katika fainali za NBA za mwaka 1998 NBA iliuzwa mwaka 2022 kwa thamani ya dola milioni 10.1.
Mauzo ya hivi karibuni yanamuonyesha nafasi ya Jordan kama mwanamichezo mwenye thamani zaidi katika mnada wa mavazi ya mwanamichezo anayekumbukwa.
Hujambo na karibu kwa matangazo yetu mubashara ya leo Jumatano tarehe 12.04.2023