Je, nani ataibuka mshindi kati ya Man City na Real Madrid klabu bingwa?

Manchester City itamenyana na Real Madrid katika nusu fainali ya kombe la Ligi ya Mabingwa siku ya Jumanne Uwanjani Etihad.

City ilifikia kiwango hiki baada ya kumaliza nafasi ya 22 kwenye jedwali lililopangwa upya la kombe la Ligi ya Mabingwa kuanzia msimu huu.

Real Madrid, ambao walishinda Ligi ya Mabingwa mara ya 15 kwa jumla msimu uliopita, walimaliza katika nafasi ya 11 kwenye jedwali, wakiwa wameshinda mechi tano kati ya nane na kupoteza tatu.

Hii itakuwa mara ya tano kwa City na Real kukutana katika misimu sita iliyopita.

Real Madrid tayari wametangaza kuwa Lucas Vazquez atakosa mechi hiyo kufuatia jeraha alilopata kwenye ligi ya La Liga dhidi ya Atletico Madrid siku ya Jumamosi.

Timu hiyo ya Uhispania imekuwa ikiathiriwa na idadi kubwa ya mabeki waliojeruhiwa akiwemo Antonio Rudiger, Dani Carvajal, Eder Militao na David Alaba.

Mwaka jana, Real Madrid iliinyima City taji la pili mfululizo la Ligi ya Mabingwa, wakishinda kwa mikwaju ya penalti huko Etihad katika robo fainali.

City hapo awali iliishinda Real Madrid 4-0 huko Etihad na kutinga raundi ya mwisho kwa ushindi wa 5-1 nyumbani na ugenini msimu wa 2022/23.

Hilo lilipelekea City kushinda Ligi ya Mabingwa, kutokana na ushindi wa 1-0 dhidi ya Inter Milan mjini Istanbul kwa mara ya kwanza katika historia yao - katika msimu uliowashuhudia wakishinda mataji matatu.

Hii itakuwa mara ya 13 kwa City kumenyana na Real Madrid kwenye Ligi ya Mabingwa Ulaya, huku Ligi Kuu wakiwa wameshinda mechi nne na kutoka sare tano, huku Real wakishinda tatu.

Matokeo yao msimu wa 2023/2024:

Ligi ya Mabingwa Jumatano, Aprili 17

Manchester City 1 - 1 Real Madrid

Ligi ya Mabingwa Jumanne, Aprili 9

Real Madrid 3 - 3 Manchester City

City wamekabiliwa na msimu mgumu, wakiwa wamecheza mechi 37 katika mashindano yote hadi sasa, wakishinda 18, sare nane na kupoteza 11.

Mwezi Oktoba, Tottenham iliishinda City, ambayo tangu wakati huo imecheza mechi 13 mfululizo, ikishinda mchezo mmoja tu, sare tatu, na kupoteza mechi iliosalia.

Timu hiyo ya Etihad kwa sasa iko katika nafasi ya tano kwenye jedwali la Ligi Kuu ikiwa na pointi 41, sawa na Newcastle katika nafasi ya sita.

Real Madrid ndiyo wa kwanza kwenye jedwali la La Liga wakiwa na pointi 50, baada ya kukamilisha mzunguko wa mechi 23 za ligi kuu ya Uhispania.

Katika mechi 37 ambazo Real Madrid wamecheza hadi sasa katika michuano yote msimu huu, wameshinda 25, sare sita na kufungwa mara saba.

Mechi nyingine zitakazochezwa kwenye Ligi ya Mabingwa:

Jumanne, Februari 11

Brest na Paris Saint-Germain

Juventus na PSV Eindhoven

Manchester City na Real Madrid

Michezo na Borussia Dortmund

Wachezaji wa Real Madrid kuchuana na Manchester City

Makipa: Courtois, Lunin na Sergio Mestre.

Mabeki: Vallejo, Fran García, Mendy, Jacobo, Asencio na Lorenzo.

Viungo: Bellingham, Camavinga, Valverde, Modrić, Tchouameni, Arda Güler, Ceballos na Chema.

Wafungaji wa mabao: Vini Mdogo, Mbappé, Rodrygo, Endrick, Brahim na Gonzalo.

Imetafsiriwa na Seif Abdalla