An Nowodhow - the News in Cornish

Available for over a year

Recording 1/3 Myttin da. Maynorieth an Kerghynnedh re dheklaryas bos Dewnens, Kernow ha Syllan lemmyn yn studh a gewer sygh hir, ha hi re ynias an werin dhe wul devnydh a dhowr gans rach. Pur lyb o kynsa misyow an vledhen mes, yntra mis Meurth ha mis Me, y kodhas le glaw y’gan ranndir es dell yw usys. Leveryades a-barth an vaynorieth, Joanne Laeger hy hanow, a leveris bos gwenton eus passyes an tomma re beu bythkweth kovadhys. Ow sewya kevres a donnow gwres, isel yw an nivel a dhowr y’gan avonyow ha goverow, hag y hwelir effeythyow dregynnus war an kerghynnedh. Hi a geworras y fynna an vaynorieth assaya kesposa an edhommow a dhevnydhoryon a dhowr erbynn an edhom a dhifres an kerghynnedh gwella galla. Translation 1/3 Good morning. The Environment Agency has announced that Devon, Cornwall and the Isles of Scilly are now in prolonged dry weather status and has urged the public to use water carefully. The first months of the year were very wet but, between March and May, less rain than usual fell in our region. A spokeswoman for the agency, Joanne Laeger, said that last spring was the warmest ever recorded. Following a series of heatwaves, the water level in our rivers and streams is low and harmful effects are being seen on the environment. She added that the agency would do its best to try to balance the needs of water users against the need to protect the environment. Recording 2/3 Arhwithrans gans an Kowethas Densek Bretennek re dhiskwedhas bos Kernow onan a’n gwettha tylleryow dhe driga mar mynnowgh gweles medhek dens NHS. Dres an dhiw vledhen eus passyes ny sewenas marnas hwegh kansran ha tri-ugens a’n berthyoryon a assayas kavos apoyntyans gans medhek dens NHS, fest le es yn ranndiryow erel a Bow Sows. Orth pennkuntelles a vedhogyon dens yn Lys Kernow, kaderyer an Kowethas Densek Bretennek, Eddie Crouch, a leveris bos hemma “kudyn gwrys yn Westminster na yll bos digelmys marnas yn Westminster”. Leveryas a-barth an NHS a dherivas aga bos fogellys war berthyoryon an moyha edhommek. Yth esens i owth assaya arveth moy medhogyon dens leel ha provia moy apoyntyansow rag dyghtyans densek yniadow. Translation 2/3 A survey by the British Dental Association has shown that Cornwall is one of the worst places to live if you want to see an NHS dentist. Over the last two years, only 66% of patients who tried to get an appointment with an NHS dentist were successful, far fewer than in other areas of England. At a dentists’ summit in County Hall, the chairman of the British Dental Association, Eddie Crouch, said that this was “a problem made in Westminster and that can only be solved in Westminster”. An NHS spokesman said that they were focussed on patients with the greatest needs. They were trying to hire more local dentists and to provide more appointments for urgent dental treatment. Recording 3/3 Yma an aluseneth Shelterbox ow chanjya hy oberyansow may hallo hi skoodhya tus yn terosvaow a-dreus dhe’n bys yn maner moy effeythus. An mis ma, y fynn an aluseneth remova hy fennplas dhyworth kres Truru bys dhe anedhow nowydh yn Fordh Gwanndremen. Dres henna, yn le fardella proviansow yn gwaraji yn Hellys, an kowethyans re dhallathas gwitha taklow essensek yn selvaow a-dreus dhe’n bys ha kressya y sel dherivadow a brovioryon drestadow. An kowethyans a dherivas y hwrussa ev, a-dhia an vledhen dew vil, skoodhya moy es tri milvil dhen yn ogas ha kans pow, gans daffar essensek. Yn-medh pennweythresek Sanj Srikanthan, “Kernow re beu pupprys agan tre, ha ny wra henna chanjya, mes yma an maner mayth oberyn prest owth esplegya”. Ha henn yw oll ahanav vy an seythen ma. Terebo nessa! Translation 3/3 The charity Shelterbox is changing its operations so that it can more effectively support people in disaster areas across the world. This month, the charity is moving its headquarters from the centre of Truro to new premises in Malpas Road. Also, instead of packing supplies in a warehouse in Helston, the company has started storing essential items in bases around the world and increasing its database of approved suppliers. The company said that, since 2000, it had supported more than three million people in approximately 100 countries with essential equipment. Chief executive Sanj Srikanthan said, "Cornwall has always been our home, and that's not changing, but the way we work continues to evolve”.And that’s all from me for this week. Until next time! Presenter This week’s An Nowodhow was written and presented by Steve Penhaligon and edited by Wella Morris. You can listen again on BBC Sounds by going to bbc.co.uk/cornwall and scrolling down to the ‘Best Bits’ section. Photo of Portscatho by BBC Weather Watcher Jane Lewarne.