Teanas, cèilidh Phortrìgh agus Ceòl na Sgeòil

Available for 24 days

Tha film-aithriseach ùr air nochdadh air Amazon Prime Video 'Novak Djokovic: The Wolf in Winter' a tha a' coimhead ri dè a tha a' gluasad am fireannach as soirbheachail ann an saoghal an teanais cumail a dol gus feuchainn ris an còigeamh slam thar fhichead a bhuannachadh. Tha Tormod Macleòid, aig a bheil ùidh mhòr ann an teanas, air sùil a thoirt air, agus tha Emma a' cluinntinn bhuaidhe mu na dh'ionnsaich e as ùr bhon fhiolm mun chluicheadair chlìuiteach. Tha Cèilidhean an t-Samhraidh a' tilleadh a Phortrìgh, agus a-nochd fhathast cluinnear beartas de sheinneadairean agus luchd ciùil na Gàidhlig mar a tha Emma a' cluinntinn bho Iain MacCarmaig. Agus chan e Dihaoine a bhiodh ann as aonais Ceòl na Sgeòil. Tha trì òrain againn a tha freagradh air sgeulachd na seachdain-sa, agus thèid ur taghadh a chluich aig deireadh a' phrògraim.