Adhartasan meadaigeach agus stiùireadh lighiche-sprèidh

Available for 24 days

Tha lighichean sprèidh a’ gabhail iomagain mu na tha de dhaoine a’ tionndadh gu TikTok airson stiùireadh fhaighinn airson leigheas, neo fiosrachadh air mar a chuidicheas iad an cuid pheataichean. Thathas a' rabhadh gum bu chòir an còmhnaidh dearbhadh le eòlaichean gu bheil an stiùireadh a th’ air loidhne ceart, glic agus sàbhailte. Tha Niall Iain a cluinntinn bhon lighiche-sprèidh, Iain MacGillEain, air dè cho cunnartach sa dh' fhaodadh seo a bhith. Tha an eòlaiche saidheans Màiri NicRath a' tòiseachadh sreath ùr far a bheil i a' toirt sùiil air cuid de na h-adhartasan meadaigeach a th'air an cleachdadh gu cunbhalach an-diugh, a' tòiseachadh le CPR. Agus tha cothrom sreath ùr le sùil air fasain fhaicinn an-diugh fhèin air Iplayer agus sianail YouTube a' BhBC. Gach Dimàirt airson còig seachdainnean chithear eapasod ùr de Deise-L, far a bheil Ceit Lamb a' coimhead ri fasain seasmhach agus nach eil ro throm air an sporan. Tha Ceit fhèin ag innse do Niall Iain na tha fa-near san t-sreath.