Sreath 1, Eapasod 3

Available for 30 days

Tro iomadh linn agus thar gach cultar tha òrain air a bhith againn. Ach dè tha a’ toirt oirnn ar guthan a thogail agus carson a tha seinn cho mòr na pàirt de ar fèin-aithne? Thigibh ann an cuideachd Màiri Anna NicUalraig agus i a’ cur na prosbaig air an inneal-ciùil as sine agus as trice a chluinnear; an guth. Anns gach prògram bidh i gar toirt air sgrìob tron iomadh dòigh air òran a lìbhrigeadh, a’ toirt a-steach farsaingeachd de nòsan-ciùil – bho na bliadhnaichean a dh'fhalbh suas chun an là an-diugh. Bidh turas Màiri Anna gar toirt gu gach ceàrnaidh dhen t-saoghal ach aig cridhe gach prògram an còmhnaidh bidh dualchas beartach nan Gàidheal. Anns a’ phrògram seo cluinnear bho ghuth na seachdain, Flòraidh NicNèill, am measg gu leòr eile.