Dowladda Soomaaliya oo ka hadashay diyaaradaha ay Kenya joojisay

Tebin toos ah

11 Maajo 2021Jabuuti: Markii ay shirkadda DP World naga baxday adeegyada dekedda kor ayay u kaceen
Waxaa sare u kacay heerka kobaca dhaqaalaha ee dekedaha dalka Djibouti. Warbixin uu dhawaan soo saaray Bangiga Adduunka ayaa lagu sheegay, in Jabuuti ay kaalinta 1-ad ka gashay maalgashiga dekedaha Africa, halka kaalinta 61-aad ay kaga jirto caalamka oo dhan.
Agaasimaha dekedaha Jabuuti Abuubakar Cumar Haadi, oo BBC-da uga warramay horumarka dekedaha dalkaasi ayaa sheegay in jabuuti ay dadaal dheer u gashay sare u qaadida ganacsiga iyo maalgashiga.
Agaasimaha ayaa BBC-da wareysi siiyay ayaa sharraxaya sida ay u arkaan qiimeynta Bangiga Adduunka
11 Maajo 2021Sacuudiga oo shaaciyay Maalinta Ciidul Fitriga
Ciidul-Fitriga waxa ay bilaaban doontaa 13-ka bisha May, sababtoo ah bisha lama arkin Caawa, sida laga soo xigtay barta Twitter-ka ee Xaramayn Shariifayn.
Guddiga Qaabilsan Raadinta Bisha ee Sacuudiga ma aysan arkin bisha Talaaladada, sida uu sheegay Xaramayn Shariifayn-ka.
Maxkamadda Boqortooyada Sacuudi Carabiya ayaa ugu baaqday dhammaan dadka Boqortooyada in ay eegaan cirka si ay bisha u raadiyaan oo indhahooda ugu arkaan haddii ay bisha dhalatay.
11 Maajo 2021Saameyn intee la'eg ayuu go'aanka Kenya ku yeelan doonaa socdaalka iyo shirkadaha duulimaadyada
Dowladda Soomaaliya ayaa arin layaab leh ku tilmaantay go'aanka ay Kenya ku joojisay duulimaadyada labada dal u kala goosha. Xukuumadda Nairobi oo aan wax sabab ah shaacin ayaa sheegtay in laga billaabo maanta illaa bisha sideedaad ee sanadkan ay hakinayso duulimaadyada ka yimaada ama aada Soomaaliya.
Hadaba go'aankan saameyn intee dhan ayuu ku yeelan doonaa socdaalka iyo shirkadaha duulimaadyada. Xaashi Maxamed Salaad waa maamule kuxigeenka shirkadda Salaam Air Express, waxaa uu iigu warramay khadka telefoonka ee Nairobi, waxaana marka hore weydiiyay sida ay u arkaan go'aanka.
11 Maajo 2021Gobol Mareykanka katirsan oo shabeel baxsad ah lagu qabtay
Nin loogga shakisan yahay inuu wax dilay ee gobolka Taxes kaas oo bannaanka ku joogay damaanad, ayaa dib loo xirey.
Ninkan dad daris la ah meel u daganaa waxey waceen booliiska, si ay ugu war geliyaan in shabeel uu ku dhax fakadey xaafad ku taalla magaalada Houston, oo ay sheegeen inuu leeyahay Hugo Cuevas.
Booliiska magaalada Houston, ayaa xaqiijiyey in Cuevas loo xirey ka baxsashada xiritaan booliis, ha yeeshee waxey intaa ku dareen inaaney ogeyn halka uu shabeelku jooggo.
Madaxa booliiska Ron Borza, ayaa u sheegay war fidiyeenka isniintii, in walwalka ugu weyn uu ahaa helitaanka Cuevas iyo xayawaanka.
In badan ayaynu dadka ku aragnay iney sameeyaan waxyaabo aan macquul aheyn. Waxeynu dooneynaa inaan soo qabano shabeelka, aananna geyno goob badqab leh, ayuu yiri Borza.
Avv Cuevas, oo la yiraaho Michael Elliott, ayaa sheegay in qofka rukunka u ah aanu aheyn qofka leh shabeelka, ama uusan xanaaneyn jirin.
Shabeelada in lagu dhex heysto gudaha magaalada Houston lama oggola, haddii aaney ku jirin beerta xayawaanaadka mooyee, ayey yiraahdeen booliisku.
Borza ayaa sheegay in dadku aaney habooneyn iney ku dhex heystaan magaalooyinka xayawaan noocan oo kala ah, maxaa yeelay lama qiyaasi karo waxa ka iman kara.
11 Maajo 2021Sidee ayay haweenka Muslimiinta ah u maareeyaan howsha guriga iyo cibaadada bisha Ramadaan?
Bishaan sii dhamaanaysa ee Ramadaan inta badan haweenku waxaa ay ku mashquulaan howsha guriga, iyagoo qabta howl aaney bilaha kala qaban maadama ay kariyaan cuntooyin badan oo qaarkoodna ay afuriyaan dad badan.
Cunto karinta waxaa u sii dheer howshii guriga, iyadoo dabcan lagu jiro bil cibaado oo ay muhiim tahay in howsha guriga aaney kaa mashquulin cibaadada.
Haddaba sidee ayay tahay in ay u maareeyaan haweenku Muslimiinta ah cibaadada iyo howsha guriga? Fartuun Maxamed Cismaan oo baratay culuumta islaamka ayaa BBC u warrantay.
11 Maajo 2021Carruur lagu laayay iskuul ku yaalla Ruushka
Toddobo carruur ah iyo macalinkooda ayaa lagu toogtay iskuul ku yaalla magaalada Kazan ee dalka Ruushka, sida ay sheegayaan saraakiisha dalkaas.
In ka badan 20 qof oo u badnaa carruur ayaa sidoo kale lagu soo warramayaa inay ku dhaawacmeen halkaas.
Weerarka ayaa ka dhacay bariga Moscow gobolka ay muslimiinta ku badan yihiin ee Tatarstan.
Ra'iisul Wasaaraha Ruushka Mikhail Mishustin ayaa dhacdada ku tilmaamay mid murugadeeda leh halka hoggaamiyaha gobolka Tatarstan.uu ku tilmaamay "masiibo weyn"
Madaxweynaha Ruushka Vladimir Putin oo ka hadlay weerarka ayaa sheegay in dib u eegis uu ku sameyn doono xeerarka xakameynta hubka ee dalkaas.
11 Maajo 2021Dowladda Soomaaliya oo ka hadashay diyaaradaha ay Kenya joojisay
Dowladda Soomaaliya ayaa arrin la yaab leh ku tilmaantay go'aanka ay Kenya ku joojisay duulimaadyada labada dal u kala goosha.
Xukuumadda Nairobi oo aan wax sabab ah shaacin ay sheegtay in laga billaabo maanta illaa bisha sideedaad ee sanadkan ay hakinayso duulimaadyada ka yimaada ama aada Soomaaliya.
Wasiirka Gaadiidka iyo Duulista Hawada ee Soomaaliya, Duraan Axmed Faarax ayaa BBC u sheegay in aysan waxbo kala socon go'aanka Kenya ay ku hakisay duulimaadyada isla markaana aanay fahmi karin.
"Runtii arrin la yaab leh ayay inoola muuqataa, wax la fahmi karana ma aha iyadoo hadda laisla lahaa dowladda Soomaaliya rabtay in lasoo celiyo heshiiskii labada dal..labo maalmood ka bacdi in Kenya ay qaadato go'aan noocan ah waa arrin aanan fahmeyn waxa ka dambeeyana aanan garan karin"
11 Maajo 2021Puntland oo mamnuucday dadka ka imaanaya Hindiya
Puntland ayaa deegaanadeeda ka mamnuucday dadka ka imaanaya dalka Hindiya kadib saameynta cudurka Covid-19 ku hayo halkaas.
Wasaaradda Caafimaadka Puntland ayaa sheegtay in "la joojiyay dadka ka imaanaya wadankaas waxaana ka codsanaynaa inay sii joogaan inta xaaladu is badalayso"
"Hadii ay dhacdo in qof uu yimaadaana waxaan diyaarinay inaan galino labo todobaad oo karantiil ah si loo hubiyo inuu caafimaad qabo meesha uu doono ha soo maro" ayaa lagu yiri qoraal lasoo dhigay bogga Facebook ee wasaaradda caafimaadka Puntland.
11 Maajo 2021Sidee loo bixiyaa Zakaatul Fitri?
Waxaa lagu jiraa maalmihii u dambeeyay ee bisha barakaysan ee Ramadaanka ka hor inta aanan salaadda ciidda la tukanan, waxaa dadka muslimiinta ah laga doonayaa inay bixiyaan zakaatul Fitriga.
Hadaba sidee loo bixiyaa, yaase laga doonayaa ama ku waajibtaa bixinta Zakaatul Fitriga?
Haddaba Sheekh Maxamed Sheekh Cumar Dirir ayaa inoo sharaxaya arrimaha ku gedaaman zakaatul fitriga.
11 Maajo 2021Dalalka ku bahoobay Bariga Afrika oo ka hadlay codsiga Soomaaliya ee ku biiridda ururka
Xoghayaha cusub ee Waddamada ku bahoobay Bariga Afrika Dr Peter Mathuki ayaa ka hadlay goorta ay suurta gal tahay in Soomaaliya ay ku biirto ururka.
Wuxuu sheegay in ay bilaabeen howlihii hordhaca ahaa ee diyaarinta dalka ee ku biirida ururka ay ku midoobeen dalalka Bariga Afrika.
"Arrintaas waxay aheyd codsi, waxay arrinta taagan tahay bilowgii, markaa waxaan u gudbinnay shuruudaha looga baahan yahay inay buuxiso, waana xiriirka ugu horreeya ee dhexmara dal doonaya in uu kusoo biiro ururka"
Wuxuu intaas ku daray in arrinta ay kala caddaan marka uu bilowdo ka hadalka codsiga Soomaaliya ee ku biiridda ururka EAC.
Waddamada ku buhoobay ururka Bariga Afrika ee EAC waxaa kamid ah Kenya, Rwanda, Burundi, Uganda iyo Tanzania.
11 Maajo 2021Kenya oo hakisay duulimaadyadii ka imaan jiray Soomaaliya
Kenya ayaa hakisay dhammaan duulimaadyadii ka imaan jiray ama aadi jiray Soomaaliya kadib toddobaad uun markii labada dal ay dib usoo celiyeen xiriirkooda diblumaasiyadeed.
War saxaafadeed kasoo baxay waaxda duulista hawada ee Kenya ayaa lagu sheegay in hawada Kenya ay soo geli karaan oo kaliya ah diyaaradaha ha'yadaha gargaarka iyo duulimaadyada qaabilsan gurmadka deg deg ah ee caafimaadka ee ka imaanaya Soomaaliya.
Kenya kama aysan hadlin sababta ay u hakisay diyaaradihii ka imaan jiray dhinaca Soomaaliya.
11 Maajo 2021Sare u kac ku yimid kobaca dhaqaalaha Jabuuti
Waxaa sare u kacay heerka kobaca dhaqaalaha ee dekedaha dalka Djibouti.
Warbixin uu dhawaan soo saray Bangiga Adduunka ayaa lagu sheegay in Jabuuti ay kaalinta 1-aad ka gashay maalgashiga dekedaha Afrika halka kaalinta 61-aad ay kaga jirto caalamka oo dhan.
Agaasimaha dekedaha Jabuuti Abuubakar Cumar Haadi oo BBC-da uga warramay horumarka dekedaha dalkaasi ayaa sheegay in jabuuti ay dadaal dheer u gashay sare u qaadidda ganacsiga iyo maalgashiga.
Wuxuu ka warramayaa sida ay u arkaan qimeynta uu sameeyay Bangiga Adduunka.
11 Maajo 2021
As-salaamu Caleykum, kusoo dhawaada tebinta tooska ah ee aan idiin kuugu soo gudbinno wararkii ugu dambeeyay soomaalida iyo caalamka.
Waa Talaado taariikhda waxay ku beegantahay 11-ka bisha May sanadka 2021-ka.

Dowladda Soomaaliya oo ka hadashay diyaaradaha ay Kenya joojisay

Tebin toos ah

11 Maajo 2021Jabuuti: Markii ay shirkadda DP World naga baxday adeegyada dekedda kor ayay u kaceen

11 Maajo 2021Sacuudiga oo shaaciyay Maalinta Ciidul Fitriga

11 Maajo 2021Saameyn intee la'eg ayuu go'aanka Kenya ku yeelan doonaa socdaalka iyo shirkadaha duulimaadyada

11 Maajo 2021Gobol Mareykanka katirsan oo shabeel baxsad ah lagu qabtay

11 Maajo 2021Sidee ayay haweenka Muslimiinta ah u maareeyaan howsha guriga iyo cibaadada bisha Ramadaan?

11 Maajo 2021Carruur lagu laayay iskuul ku yaalla Ruushka

11 Maajo 2021Dowladda Soomaaliya oo ka hadashay diyaaradaha ay Kenya joojisay

11 Maajo 2021Puntland oo mamnuucday dadka ka imaanaya Hindiya

11 Maajo 2021Sidee loo bixiyaa Zakaatul Fitri?

11 Maajo 2021Dalalka ku bahoobay Bariga Afrika oo ka hadlay codsiga Soomaaliya ee ku biiridda ururka

11 Maajo 2021Kenya oo hakisay duulimaadyadii ka imaan jiray Soomaaliya

11 Maajo 2021Sare u kac ku yimid kobaca dhaqaalaha Jabuuti

11 Maajo 2021