ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
එලිසබෙත් රැජින බැල්මොරල් මාලිගයේ වෛද්ය අධීක්ෂණය යටතට
වෛද්යවරුන් රැජිනගේ සෞඛ්යය තත්ත්වය පිළිබඳව සැළකිලිමත් වීමෙන් පසු ඇයව බැල්මොරල්හි වෛද්ය අධීක්ෂණය යටතේ සිටින බවට බකිංහැම් මාලිගය පවසා තිබේ.
රැජිනගේ සියලුම දරුවන් ඇබර්ඩීන් අසල ස්කොට්ලන්ත වතුයායට රැස්ව සිටිති.
අද උදෑසන වැඩිදුර ඇගයීමෙන් පසුව, වෛද්යවරු මහ රැජිනගේ සෞඛ්යය ගැන සැළකිලිමත් වූ අතර ඇය වෛද්ය අධීක්ෂණය යටතේ තබන ලෙසට නිර්දේශ කර ඇත" යනුවෙන් බකිංහැම් මාලිගය නිවේදනයක් නිකුත් කරමින් පැවසීය.
රැජින සුව පහසුවෙන් එහි සිටින බව එහි වැඩි දුරටත් සඳහන්ය.
බකිංහැම් මාලිගය මෙවැනි ප්රකාශයක් නිකුත් කිරීම ඉතා අසාමාන්යය වේ. සාමාන්යයෙන් බකිංහැම් මාලිගය 96 හැවිරිදි රැජිනගේ වෛද්ය කටයුතු පිළිබඳ විස්තර සැපයීමට අකමැති අතර ඒවා පෞද්ගලික වේ.
ඇගේ පුත් චාල්ස් කුමරු, කෝන්වෝල්හි ආදිපාදවරිය වන ඔහුගේ බිරිඳ කැමිලා සමඟ බැල්මොරල් වෙත පැමිණ සිටියි.
ඇගේ මුනුබුරා, කේම්බ්රිජ් ආදිපාදවරයා, අනෙකුත් පුතුන්, යෝර්ක්හි ආදිපාදවරයා සහ වෙසෙක්ස් හි අර්ල් සහ ඔහුගේ බිරිඳ සොෆී, වෙසෙක්ස් හි කවුන්වරිය බ්රිතාන්ය වේලාවෙන් අද සවස 4 ට පෙර ඇබර්ඩීන් ගුවන් තොටුපළට පැමිණියහ.
විලියම් කුමරු එම පිරිස රැගෙන මෝටර් රථයකින් රැජිනගේ ස්කොට්ලන්ත වතුයාය බලා සැතපුම් 40ක (කිලෝමීටර් 64ක්) පමණ ධාවනය කොට තිබේ.
ඇගේ දියණිය, ඈන් කුමරිය දැනටමත් ස්කොට්ලන්තයේ විවාහ ගිවිස ගැනීමට පැමිණි සිටින අතර ඇය බැල්මොරල් හි සිටියි.
කේම්බ්රිජ් ආදිපාදවරිය තම දරුවන් සමඟ පාසැලේ පළමු සම්පූර්ණ දිනය ගත කිරීමට වින්ඩ්සර් හි රැඳී සිටියාය.
සසෙක්ස්හි ආදිපාදවරයා වෙනම බැල්මොරල් වෙත ගමන් කරයි. ප්රකාශකයෙකු පැවසුවේ ඔහුගේ බිරිඳ මේගන් ඔහු සමඟ නොසිටි බවයි. එක්සත් ජනපදය පදනම් කරගත් මෙම යුවළ පුණ්ය කටයුත්තකට සහභාගී වීමට එක්සත් රාජධානියට පැමිණ ඇත.
96 හැවිරිදි රැජින උපදේශක කවුන්සිල හමුව බදාදා අතර මග නවතා ඉන් ඉවත් වූ පසු වෛද්යවරුන් ඇයට විවේක ගන්නා ලෙස උපදෙස් දීමෙන් අනතුරුව මෙම නිවේදනය නිකුත් කර ඇත.
රැජිනගේ සෞඛ්යය තත්ත්වය ගැන මෙවර පැහැදිලිවම දැඩි අවධානයක් යොමුවී ඇත. ඒ, වැඩි සඳහනක් නොමැතිව මෙය චලනය සමඟ ඇති දුෂ්කරතාවක් යනුවෙන් පෙරට වඩා බොහෝ පැහැදිලිව ඇගේ තත්ත්වය සඳහන් කර ඇති නිසාය.
අඟහරුවාදා ඇය නව අගමැතිනිය පත් කරන විට ඇගේ දෙපා මත සිට සිනාසෙමින් ඡායාරූප වලට පෙනී සිට ඇත. ඇය වැටී ඇතිවා විය හැකි ය වැනි පදනම් විරහිත අනුමානයන්ට එරෙහිව අනතුරු ඇඟවීම් ඉදිරිපත් කර ඇත.
ජ්යෙෂ්ඨ ඇමතිවරුන්ගේ උපදේශක කවුන්සිලයේ අතථ්ය රැස්වීමක් අවසාන මොහොතේ අවලංගු කිරීමෙන් පමණක් රැජිනගේ සෞඛ්යය තත්ත්වය අයහපත් බවට වරදවා වටහා ගත නොහැක.
අගමැති ලිස් ට්රස් පැවසුවේ මෙම ප්රවෘත්තිය පිළිබඳව "මුළු රටම" "දැඩි කනස්සල්ලට" පත්වන බවයි.
"මගේ සිතුවිලි - සහ අපේ එක්සත් රාජධානිය පුරා සිටින මිනිසුන්ගේ සිතුවිලි - මේ මොහොතේ මහ රැජින සහ ඇගේ පවුලේ අය සමඟයි" ඇය තවදුරටත් පැවසුවාය.
රැජින ලිස් ට්රස් අගමැතිනිය ලෙස පත් කළේ බැල්මොරල් හි දීය. ඒ උත්සවය සඳහා ඇය ලන්ඩනයට පැමිණියේ නැත.
ඇගේ 70 වසරක පාලන කාලය තුළ රැජින සාමාන්යයෙන් බකිංහැම් මාලිගයේදී ඇගේ නව අගමැති සමඟ හමුවීම සිදුවී ඇත.
ඇය ජූලි මාසයේ සිට ඇගේ ස්කොට්ලන්ත නිවසේ ගිම්හාන නිවාඩුවක් ගත කර ඇත.
මෙම ප්රවෘත්තිය පිළිබඳව තමා "දැඩි කනස්සල්ලට පත් වූ" බව කම්කරු නායක ශ්රීමත් කීර් ස්ටාර්මර් පැවසූ අතර ස්කොට්ලන්තයේ පළමු අමාත්ය නිකොලා ස්ටර්ජන් පැවසුවේ තමා "ගැඹුරින් සැළකිලිමත්" වන බවත් රැජිනට ඉක්මන් සුවය පතා ඇගේ සිතුවිලි සහ පැතුම් රැජින වෙත යවන බවත්ය.
වේල්සයේ පළමු අමාත්ය මාර්ක් ඩ්රේක්ෆෝර්ඩ් ඇයට ඉක්මන් සුවය පතා තමාගේ හා වේල්සයේ ජනතාව ගේ පැතුම් යවා ඇත.
ශ්රී ලංකා ජනපතිගේ කනස්සල්ල
පොදුරාජ්ය මණ්ඩලයේ ප්රධානී එලිසබෙත් මහ රැජිනගේ අසනීප තත්ත්වය පිළිබඳ පුවත අසන්නට ලැබීම ගැන අපි කනස්සල්ලට පත්ව සිටින අතර ඇයට ඉක්මන් සුවය ප්රාර්ථනා කරමු යනුවෙන් ජනපති රනිල් වික්රමසිංහ, පැවසූ බවට ජනපති මාධ්ය අංශය පවසයි.