BBC Alba - Cuairtean - Inbhir Ìonaid

[Comharradh-clèithe: NG 920 218]

Tha an t-ainm a' ciallachadh "beul na h-aibhne ruaidh" Thàinig e bho thùs bho Inbhir Dhuinnid. 'S e Leitir Choill a chanar ris an sgìre mun cuairt.

Tha Inbhir Ìonaid air taobh tuath Loch Dhubhthaich, faisg air ceann an loch, mu thrì mìle gu tuath air Drochaid Seile ann an Cinn Tàile. Aig aon àm b' e Cinn Tàile MhicCoinnich no Cinn Tàile MhicRath a chanadh iad ris an sgìre. 'S e Sàileach, no Tàileach a chanar ri cuideigin às an àite.

A rèir seanfhacal "Cho fad's a bhios monadh an Cinn Tàile, cha bhi MacCoinnich gun àl sa Chrò."

Inbhir Ìonaid
© John Ross

Cùis-lagh a' Pheat' Uain

Rugadh Walter Winans ann an St Petersburg, anns an Ruis. B' ann às na Stàitean Aonaichte a bha a phàrantan agus bha beairteas mòr aca. Bha cliù aige mar shnaidheadair agus choisinn e buinn òir airson a sgil leis a' ghunna aig na Geamaichean Olimpiceach. Bha ùidh mhòr aige ann an eich agus sealg.

Iain Mac Mhurchaidh

Rugadh Iain MacRath, no Bàrd Chinn-Tàile, faisg air Lianaisidh. Chaidh e fhèin 's a theaghlach a Charolina a Tuath ann an 1774 agus bha e a' sabaid ann an Cogadh na Saorsa an Ameireagaidh air taobh nan Dìleasach. Rinn e òrain air gach taobh den Chuan Shiar agus tha cuid dhiubh air an cluinntinn gu bitheanta fhathast.

	BBC Homepage Scotland
Alba Radio nan Gaidheal Cuairtean Dachaigh Inbhir Nis Loch Aillse Bàideanach & Srath Spè Loch Abar

	Fios thugainn An toil leat an duilleag-sa? Cuir gu caraid i!