Leabhar Fiosrachaidh: Flòraidh NicDhòmhnaill

Rugadh 1722. Bhàsaich 1790.

Dh’fhàs Flòraidh NicDhòmhnaill ainmeil nuair a chuidich i am Prionnsa Teàrlach faighinn air falbh don Fhraing as dèidh dha blàr Chùil Lodair a chall. Bha saighdearan Diùc Chumberland a’ lorg a’ Phrionnsa air feadh na Gàidhealtachd agus nan Eilean agus ghabh Flòraidh truas ris.

• Thogadh i anns an Eilean Sgìtheanach ach bha i a’ fuireach air Beinn nam Faoghla nuair a choinnich i ris a’ Phrionnsa Teàrlach.
• Chuir i am Prionnsa Teàrlach ann an aodach boireannaich airson a chuideachadh ri faighinn às. Bu lugha air a bhith a’ caitheamh dhreasaichean!
• Dh’fhaodadh i a bhith air a crochadh airson am Prionnsa a chuideachadh a’ faighinn air falbh don Fhraing.
• Chaidh Flòraidh a chur don phrìosan ann an Tùr Lunnainn airson Teàrlach a chuideachadh a’ faighinn air falbh.
• Bha daoine a’ smaoineachadh gur e bana-ghaisgeach a bh’ innte airson na rinn i agus bha deagh chliù aice.
• Thuirt i gun do chuidich i am Prionnsa airson gu robh feum aige air. Thuirt i gum biodh i air duine sam bith a chuideachadh – fiù Diùc Chumberland!
• Choinnich i ri Diùc Chumberland agus bha e glè mheasail oirre!