Leabhar Fiosrachaidh: Diùc Chumberland

Rugadh 1721. Bhàsaich 1765.

B’ e am Prionnsa Uilleam Augustus an t-ainm a bh’ air Diùc Chumberland. B’ esan am mac a b’ òige aig an Rìgh Seòras II agus oighre air crùn Bhreatainn. Chuir e blàr ris a’ Phrionnsa Teàrlach agus na Seumasaich aig Cùil Lodair.

• Bhathas a’ meas an Diùc mar seanalair mòr a choisinn iomadh blàr cudromach.
• Fhuair e cliù mar ghaisgeach as dèidh Blàr Chùil Lodair airson gu robh mòran dhaoine taingeil gun do shàbhail e an dùthaich bho arm nan Seumasach.
• Ach shaoil mòran Ghàidheal nach robh ann ach brùid. Chuir iad a’ choire air airson brùidealachd nan saighdearan aige.
• Mharbh saighdearan an Diùc mòran Sheumasach a bha air an leòn agus iomadh duine neochiontach eile nach robh fiù anns a’ bhlàr.
• Mharbh a shaighdearan uiread daoine ’s gun d’fhuair an Diùc am far-ainm "Am Bùidsear".
• Cha mhòr nach robh Am Prionnsa Teàrlach agus an Diùc an aon aois agus bha iad fiù càirdeach ri chèile!
• Chaidh plannta ainmeachadh as dèidh an Diùc. ’S e Sweet William a bh’ aig a luchd-taic air ach ’s e bh’ aig a nàimhdean air ach Stinking Billy!