تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
نړۍ او چين: لوېديځ او ختيځ له بېجينګه څه غواړي
د بریتانیا د بهرنیو چارو وزیر جېمز کلېورلي، په پنځو کلونو کې لومړی بریتانیوی لوړپوړی چارواکی شو چې چین ته خپل سفر بشپړوي.
په خپل سفر کې یې د چین له مرستیال ولسمشر هن جېنګ او د بهرنیو چارو وزیر وانګ یي سره کتلي دي.
خو دغه سفر یې دلته په بریتانیا کې ځيني نیوکې هم راپارولې دي.
د واکمن محافظه کار ګوند ځینو لوړپوړو غړیو له چین سره د خپل حکومت تګلاره داسې بللې چې ګواکې هغوی پرې خوشاله او راضي کوي.
خو ښاغلی کلېورلي بیا ټینګار کوي چې له چین سره ښې اړیکې د اقلیمي بدلون په څېر نړیوالو مسلو د کابو کولو لپاره اړینې دي.