د سمندري ژويو ژغورنې په موخه سمندري واښه بېرته کرل کېږي

داسې خبردارۍ ورکول کېږي چې د بریتانیا د سواحلو په سمندري بوټو او وښو کې د اوبو د ککړوالي او تودې هوا له لاسه اکسیجن په کمېدو دی.

ساینسپوهان وايي د اوبو تودوخه پر هغو بوټو فشار زیاتوي چې تر اوبو لاندې دي، دغه بوټي کاربن دای اکساید جذبوي او د سمندري ژویو لپاره ښه پناه ځایونه دي.

اوس په شمالي وېلز کې یوه لویه پروژه پیل شوې چې په میلیونونو تخمونه پکې د همدغو سیمو د بوټو د بیا تازه کولو او رغولو لپاره کرل کېږي.