موسی ۱۲ ښځې، ۱۰۲ ماشومان او ۵۶۸ لمسیان لري

د یوګندا یو کلیوال موسی هساهیا کسېرا وايي، د هغه لویه کورنۍ کې ۱۲ ښځې، ۱۰۲ ماشومان او ۵۶۸ لمسیان اوسېږي. "ما ګڼې ستونزې لرلې، دوی ته ښوونځی، وړیا پیسې او هر یوه ته خواړه او جامې پیدا کول او چې ناروغېږي درملنې ته یې پیسې برابرول."

دا ۶۸ کلن سړی وايي په یوګندا کې د څو ښځو لرل قانوني دي او ملګري ملتونه وايي دا هېواد د نړۍ له هغو هېوادونو دی چې د زیږون کچه پکې لوړه ده او یوازې ۵۰ سلنه ښځې د کورنۍ د تنظیم پلان ته لاسرسی پکې لري.