د نجونو زدکړو خلاف غږېدونکي ملا پر ضد د اختر لمانځه پر مهال د یوه ځوان احتجاج

د خپرېدو وخت

د جنوبي پښتونخوا په ږوب سيمه کې یو ځوان هله د ملا پر ضد راولاړ شو چې خلکو ته یې ویل، خپلې نجونې له ښوونځيو راوګرځوي.

دا پېښه د تېر کوچني اختر لمانځه پر مهال شوې او وروسته ګڼو نورو مقتدیانو هم د همدغه ځوان په ملاتړ احتجاج کړی او په دغه ملا پسې یې لمونځ نه دی کړی او بل جومات ته تللي دي.

دغه ځوان خبریال عبدالحی آرین دی، نورګل شفق مرکه ورسره کړې ده.