کله مو لینده کارولې ده؟

که مو کلیوال ژوند کړی وي نو ښایي لینده به مو هم جوړه کړې او کارولې وي.‌ خو ایا خبر یاست چې پېښور کې د لیندو جوړولو یو ځانګړی مارکېټ هم شته؟ دا بازار له ډېرې مودې راهیسې اباد دی، خو سوداګر یې وایي، اوس چې په بازارونو کې چینایي لوبتوکي زیات شوي نو له لیندو سره هم د خلکو مینه کمه شوې ده.

پېښور کې زموږ همکاره کوثر اعوان وحید دې مارکېټ ته ورغلې او له یو لینده جوړوونکي سوداګر سره یې خبرې کړې دي.