نازیه علي؛ پېښور کې د تکوانډو لوبغاړې

نازیه علي د پیښور اوسېدونکې او د تکوانډو لوبغاړې ده. په ملي او سیمه ییزه کچه یې ۱۴ مډالونه ګټلي دي. دا وايي دې لوبې ته یې د مخې کولو لامل لوبو سره د مینې سربېره، د ځان ساتنه او دفاع هم وه، وايي هېواد کې یې له هر ځایه د ښځو د ځورونو رپوټونه راځي نو ښه ده نجونې داسې مهارتونه زده کړي چې د ځان ساتنه وکولی شي.

وايي موخه یې دا ده چې نورې ځوانې نجونې هم دې لوبې ته وهڅوي. دلته راته خپله کیسه کوي.