بروکسل کې د افغان مېرمنو په ملاتړ لاریون

د یکشنبې په ورځ، بروکسل کې د اروپايي پارلمان مخې ته په افغانستان کې د نجونو د تعلیم او تحصیل او د ښځو د کار پر حق د بندیز لیرې کېدو لپاره لسګونه کسانو لاریون وکړ.

په لاریون کې ښځو، متعلمینو، محصلانو او سړو ګډون کړی و.

لاریونوالو له طالبانو د افغان ښځینه متعلمینو او محصلانو پر وړاندې د بندیزونو لیرې کېدو غوښتنه وکړه.

دوی له اروپايي ټولنې او نړیوالو وغوښتل چې د طالبانو پر حکومت فشار راوړي چې د افغانانو بشري حقونو ته درناوی وکړي.