ازبکستان کې افغانان: د زرګونو وګړو برخليک لا ناروښانه دی

د ازبکستان د چارواکو په وينا په هغه هېواد کې څه باندې ١٣ زره افغانان اوسېږي. دوى په لنډمهالو ويزو ورغلي خو بېرته خپل هېواد ته نه شي ستنېدلى.

ډېر افغانان په سرحدي ښار ترمېز کې پراته دي. ترمېز لرغونى ښار دى چې يو وخت پکې د شوروي اتحاد پوځي اډه وه او له هغه ځايه يې پر افغانستان بريد کړى و.

زموږ د ازبکي څانگې همکار فېروز رحيمي ترمېز ته ورغلى او د افغان کډوالو پر ژوند يې ځانگړي رپوټونه چمتو کړي چې نن يې لومړى يو وينو.