تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د نجونو لوړې زدکړې: طالبانو کانکور ازموينه کې غوراوی ورته محدود کړی دی
په افغانستان کې پوهنتون ته د داخلېدو په ازموينه يا کانکور کې نجونې د ځينو پوهنځيو له انتخابه منع شوې دي. د طالبانو حکومت د لوړو زدکړو وزارت کې د کانکور ازموینو مشر عبدالقدیر خموش بي بي سي ته ويلي له درې یا څلور څانګو پرته په نورو ټولو برخو کې نجونې د خپلې خوښې پوهنځي ټاکلی شي.
طالبان وايي دوى په پوهنتونونو کې نجونو ته جلا ټولگي غواړي چې په ځينو ولايتونو کې يې اوس ورته امکان نشته.
دوى وايي له ځينو برخو سره د نجونو لېوالتيا لږ ده.
هڅه مو وکړه چې طالبان په دې موضوع وغږو خو څوک يې خبرو ته چمتو نه وو. خو د دوى د دې پرېکړې په منطق او اغېزو د کابل پوهنتون له مخکيني استاد محمد او وږمې توخۍ سره غږېږو چې له جرمني ستوديو ته وصل ده.