پاکستان وايي له افغانستانه امریکايي وسلې ورقاچاقېږي

پاکستاني چارواکي وايي له هغه راهيسې چې طالبان پر کابل واکمن شوي امريکايي وسلې د ډيورنډ له کرښې په لويه کچه قاچاقېږي.

دوى وايي په دې وروستيو کې يې د ميليونونو روپيو په ارزښت امريکايي وسلې له قاچاق وړونکو نيولې دي.

په همدې ترڅ کې د خيبر پښتونخوا د وسلو جوړولو صنعتکاران شکايت لري چې د دغه قاچاق له امله د دوى بازار سوړى شوى دى.