د سپين بولدک- چمن لار: زرګونه مساپر ايسار دي

پر ډېورنډ کرښه د سپین بولدک او چمن ترمنځ د تلو راتلو لار اوس له نژدې دريو اونیو راهیسې همداسې تړلې ده. دواړه غاړو ته زرګونه کسان چې لوی شمېر يې ناروغان، ښځې او ماشومان دي، بند پاتې دي.

طالبان وايي، تورخم لار یوازې د سوداګریزو موټرو او د هغو کسانو لپاره پرانیستل شوې چې د پاکستان ویزې ولري.

تېره اوونۍ که څه هم طالب چارواکو او پاکستانۍ غاړې د لارې د خلاصون لپاره غونډې کړې، خو کومې پایلې يې نه دي ورکړې.

په چمن غاړه کې د څو کسانو نظرونه اورو