تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
'پر پاکستان بنديز ولګوئ' هشټګ
(SanctionPakistan) یا پر پاکستان بنديز ولګوئ هغه هشټګ دی، چې له پرون راهیسې په پراخه کچه د ټولنیزو رسنيو او په ځانګړي ډول د ټوېټر کاروونکو له خوا کارول کېږي.
په دغه کمپاین کې ډېری افغانانو پاکستان په دې تورن کړی، چې هلته د طالبانو پر مشرانو په افغانستان کې د جګړې په درېدو فشار نه راوړي.
په ورته وخت کې د ځینو اروپايي هېوادونو په ګډون د نړۍ په مختلفو هېوادونو کې مېشتو افغانانو د پاکستان پرضد لاريونونه پيل کړي او "پر پاکستان بنديز ولګوئ" تر سرلیک لاندې شعارونه یې ورکړي.
په دغو لاریونونو کې له نړیوالو غوښتل شوي چې په افغانستان کې د پاکستان نیابتي جګړه ودروي. خو پاکستان تل وايي، چې د افغانستان په روانه جګړه کې لاس نه لري او طالبان د سولې خبرو ته هڅوي.