تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د افغان سولې ټکنی حالت
کابل کې د امریکا سفارت، اروپايي ټولنې پلاوي او د ځینو نورو هېوادونو دیپلاماتیکو بنسټونو، افغانستان کې د ډېرېدونکي تاوتریخوالي په اړه اندېښنه ښوولي او طالبان یې پړه بللي وايي د تاوتریخوالي د ډېرو پېښو مسوولیت د طالبانو پر غاړه دی.
د افغانستان اسلامي جمهوریت د سولې مرکچي پلاوی بیا وایي په دوحه کې د سولې خبرې په ټپه نه دي درېدلې خو طالبانو ځنډمنې کړې دي. د پلاوي یو شمیر غړو نن خبریالانو سره خبرو کې وویل چې د افغانستان ستونزه بل هېواد ته په سفرونو نه حلېږي او طالبان باید د خبرو میز ته راوګرځي.
د طالبانو د قطر دفتر ویاند پدې اړه څه نه دي وېلې خو نن یې له ایراني چارواکو سره د ملاعبدالغني برادر د لیدنې په اړه خبرې کړې او وايي چې پدې لیدنه کې یې د دوحي تړون په عملي کېدو هم ټینګار کړی.