په لوګر ولایت کې د ځمکو غصب

د افغانستان د ښارجوړنې وزارت وایي د ټول هېواد په کچه يې له یونیم میلیون جریبو ډېره دولتي مځکه غصب شوې ده.

د دولتي ځمکو کموالي په ډېرو ښارونو کې د پراختیایي او ودانیزو چارو مخه ډب کړې ده. د کابل ګاونډ لوګر مرکز، پل علم کې دولتي مځکه بیخي خلاصه شوې ده.

همکار مو اسدالله لودین همدغه ښار ته ورغلی و، هلته یې د دولتي مځکو د کموالي، اندېښنو او حل لارو په اړه راپور چمتو کړی دی.