د یوې ایرانۍ سندرغاړې کیسه

په ایران کې ښځې په یوازې ځان سندرې نشي ویلی. پرې بندیز دی. ځکه په دې محافظه کار هېواد کې شیعه مسلمان مذهبي مشران په دې باور دي چې د ښځو غږ پارونکی دی. په تېرو دوو کلونو کې لږ تر لږه څه باندې لس ښځې له کور بهر او یا هم پر سوشل میډیا د سندرو ویلو په سزا بندیانې شوې دي.ډېریو یې هېواد پرې ایښی دی چې له جریمې، درو وهلو او زندان خوندي وي. بي بي سي له یوې سندرغاړې سره خبرې وکړې چې د سندرو په ویلو د بند له سزا سره مخامخ ده