14:52 گرينويچ 2007 ,25 مارچ

روغتيا او ژوند

د پروګرامونو دا لړۍ په ١٩٩٧ميلادي کال کې لومړی د "له ډاکټره وپوښتئ" په نوم د بي بي سي راډيو له تعليمي برخې څخه په پښتو ژبه پيل او وروسته يې په پښتواو دري ، دواړو ژبو د"روغتيا او ژوند" تر نامه لاندي دوام وموند.

دا پروګرامونه بېلابېل روغتيايي موضوعات په ساده ژبه تر هغو کليوالو ور رسوي چې روغتيايي اسانتياوي نه لري .

د دې پروګرامونو ډېره برخه د ښځو او ماشومانو ناروغيو ته ځانګړې شوېده.

داسي ناروغۍ شته چې دوقايوي لارو چارو په عملي کولو سره يې تر ډېره بريده دخپرېدو مخه نيول کيږي

خلک دروغتيا په اړه خپلې پوښتنې، کورنۍدرملنې او تجربې دليکونواو پيغامونوله لاري له پروګرام سره شريکوي چې د پروګرام چلونکي ورنه ډېر معلومات ترلاسه کوي او د هغو په رڼا کې د خلکو د ستونزو د موندلو په موخه ليرو پرتوسيمو ته سفرونه کوي

په دې پرګرامونو کې د بېلابېلوناروغيو په اړه دخلکو تجربې، کورنۍ درملنې او پوښتنې له اړونده ډاکټرانو سره، شريکيږي او خلکو ته د پروګرام له موضوع سره سم، لومړنۍ مرستې، ګټورې مشورې او له ناروغيو څخه د مخنيوي ( وقايه ) په اړه معلومات ورکول کيږي.

ځکه يو شمېر داسي ناروغۍ شته چې دوقايوي لارو چارو په عملي کولو سره يې تر ډېره بريده دخپرېدو مخه نيول کيږي.