जागतिक कॅन्सर दिन: कोव्हिड-19च्या mRNA लशीमधून मिळणार नवीन कर्करोगावर उपचार?

पहिल्या कोव्हिड-19 लसीसाठी पूर्वी कधीही उपचारासाठी वापरलं गेलं नव्हतं ते mRNA तंत्रज्ञान वापरण्यात आलं. कोरोनाव्हायरसचा सामना करण्यात या लशीला यश आल्यानंतर आता कॅन्सरसारख्या इतर आजारांवर ते प्रभावी ठरू शकतं की नाही, हे तपासण्यासाठी मोठ्या प्रमाणावर गुंतवणूक करण्यात आली आहे.

कर्करोगाचे अनेक प्रकार असले तरी, mRNA तंत्रज्ञानाद्वारे कर्करोगाच्या पेशींना अधिक अचूकपणे लक्ष्य करून काही रुग्णांवर उपचार करण्यात मदत करू शकते, अशी शास्त्रज्ञांना आशा आहे.