रशिया युक्रेन युद्ध : राजधानी कीव्हवरचे हल्ले सुरूच, युक्रेनला कमकुवत करण्यासाठी रशिया नवीन युद्धनीती वापरणार
फोटो स्रोत, State Emergency Service of Ukraine/Getty Images
रशियाने युक्रेनवर केलेल्या हल्ल्याचा आजचा 20वा दिवस आहे. रशियाने युक्रेनची राजधानी कीव्हवरचे हल्ले सुरूच ठेवलेत.
राजधानी कीव्हमध्ये आजही स्फोटांचे आवाज ऐकू आले आणि त्यानंतर एका 9 मजली रहिवासी इमारतीला आग लागली. ही आग आता विझवण्यात आल्याचं युक्रेनच्या आपत्कालीन सेवांनी म्हटलंय.
तर आणखी एका हल्ल्यामध्ये कीव्हमधल्या एका मेट्रो स्टेशनचंही नुकसान झालंय.
कीव्ह मेट्रो नेटवर्कने या स्टेशनचे फोटो ट्वीट केले आहेत.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 1
युक्रेनने दोनेत्स्कवर केलेल्या क्षेपणास्त्रं हल्ल्याला प्रत्युत्तर म्हणून आपण युक्रेनच्या संरक्षण उद्योगाला आता लक्ष्य करणार असल्याचं रशियाच्या संरक्षण मंत्रालयाने म्हटलंय.
फुटीरतावाद्यांच्या ताब्यातल्या दोनेत्स्क भागावर युक्रेनने सोमवारी (14 मार्च) क्षेपणास्त्र हल्ला केल्याचा रशियाचा दावा आहे.
एका ऑनलाईन पोस्टमध्ये रशियाच्या संरक्षण मंत्रालयाने म्हटलंय, "दोनेत्स्कवर टोकता-यू क्षेपणास्त्राने करण्यात आलेल्या हल्ल्याचं उत्तर म्हणून रशियाच्या फौजा हत्यारांचं उत्पादन करणाऱ्या युक्रेनच्या संरक्षण उद्योगाशी संबंधित कंपन्यांना लक्ष्य करतील. या कंपन्यांच्या जागा इथे काम करणाऱ्या आणि परिसरात राहणाऱ्या युक्रेनियन नागरिकांनी सोडाव्यात असं आवाहन आम्ही करतो."
दोनेत्स्कमध्ये युक्रेनने केलेल्या हवाई हल्ल्यात 20 नागरिकांचा जीव गेल्याचा आरोपही यापूर्वी रशियाने केला होता.
पण युक्रेनने आपण असे हल्ले केले नसल्याचं म्हणत यासाठी रशियन क्षेपणास्त्रं जबाबदार असल्याचं म्हटलंय.
फोटो स्रोत, Getty Images
दरम्यान चेर्नोबिल अणुभट्टी प्रकल्पाचा वीज पुरवठा पुन्हा सुरू झाल्याचं इंटरनॅशन अटॉमिक एनर्जी एजन्सी (IAEA)ने म्हटलंय.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 2
रशियाने युक्रेनवर केलेल्या हल्ल्याबाबच्या या काही महत्त्वाच्या घडामोडी
- रशिया आणि युक्रेनमधली बोलणी मंगळवारी 15 मार्चलाही सुरू राहणार असल्याचं युक्रेनचे राष्ट्राध्यक्ष झेलेन्स्की यांनी म्हटलंय.
- रशियाची 4 हेलिकॉप्टर्स पाडल्याचा दावा युक्रेनच्या लष्कराने केलाय. रशियन सैन्याने आपले हल्ले सुरूच ठेवलेत पण त्यांना फार पुढे सरकता आलेलं नाही. महत्त्वाच्या पायाभूत सुविधा आणि निवासी इमारतींवर बॉम्ब आणि क्षेपणास्त्र हल्ले करणं रशियाने सुरूच ठेवलंय.
- ताब्यात घेतलेल्या भागांमध्ये आरोग्यसेवांचा वापर रशियन सेना जखमी सैनिकांवर उपचार करण्यासाठी करत आहे.
- युद्धाचा निषेध करणाऱ्या एका आंदोलक महिलेने रशियाच्या मुख्य टीव्ही चॅनलवर सुरू असलेल्या संध्याकाळच्या बातमीपत्रात व्यत्यय आणला. तिला अटक करण्यात आल्याचं समजतंय.
- चीनने रशियाला मदत केली तर त्याचे परिणाम भोगावे लागतील, असा इशारा अमेरिकेने चीनला दिला आहे. यासोबतच युक्रेनला आपण शस्त्रास्त्रं पुरवठा, अन्न आणि आर्थिक मदत करण्यासाठी कटिबद्ध असल्याचं अमेरिकेचे राष्ट्राध्यक्ष जो बायडन यांनी म्हटलंय. युक्रेनमधले निर्वासित अमेरिकेत आले तर त्यांचं आपण स्वागत करू असल्याचंही त्यांनी म्हटलंय.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 3
- रशियाचे राष्ट्राध्यक्ष व्लादिमीर पुतिन यांच्या सरकारशी संबंध असलेल्या 100 व्यक्तींवर नवीन अतिरिक्त निर्बंध लादण्याची तयारी युकेने केली आहे.
- तर युक्रेनवर रशियाने केलेल्या हल्ल्याचा निषेध म्हणून जपानने आणखी 17 रशियन नागरिकांवर निर्बंध घालण्याची कारवाई केली आहे.
- न्यूझीलंडमध्ये असणाऱ्या युक्रेनमध्ये जन्म झालेल्या नागरिकांच्या आणि रहिवाशांच्या 4000 नातेवाईकांना आसरा देण्याची तयारी न्यूझीलंडने दाखवली आहे.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
